穴 (世貿中心) (已結業)

无论出面有几乱，饭都系要食既。今日放lunch要平衡下情绪，要食得丰富啲。呢间穴就有我要既野。今日叫左极尚寿司刺身御膳（$298）。前菜沙律，预拌沙律醋，沙律菜爽脆。仲有萝卜丝作为渍物。面豉汤，唔会好咸，海带、豆腐样样齐。茶碗蒸，入面有足料海鲜，有虾有带子。主角寿司刺身拼盘，有两大块厚切吞拿鱼系中间。牡丹虾、带子由柠檬汁调味，够鲜甜。鲷鱼刺身，爽口滑润，点啲酸汁食，无比开胃。手握寿司应该系炙烧左口鱼裙边同油甘鱼腩，就算系寿司，依然非常厚切，厚肉肥美。军舰有三文鱼籽、葱拖罗、海胆，每件满载，海胆尤其鲜甜唔腥。最后一碗饱肚荞麦面，爽口唔粉，而且系健康之选。甜品系芝麻红豆蓉麻糬，一啖入口，甜甜既满足。呢度环境优美，景观系开扬既维港景，可以中午时间匆匆，如果唔系一定系度坐耐啲享受下。