西塔老太太烤肉

营业中

休息中

行开尖沙咀经过呢间舖闻到香味，突然好想食烧肉，见到呢间西塔老太太烤肉嘅极尚牛肉二人餐七点前离座可以有半价优惠，咁就同朋友入咗去食个dinner。呢个极上牛肉二人餐只系$298，里面包括: 老太太特色肥牛、老太太特色瘦牛、雪花肋条、香翁凤梨牛排、浇汁横隔膜、蘑菇拼盘、牛肉海带汤、冷面同埋小菜。老太太特色肥牛、老太太特色瘦牛、雪花肋条呢三款牛肉都几新鲜，用佢哋嘅炭炉烧一烧，香气十足，食落都好Juicy，配合埋特制嘅酱汁同埋生菜食，风味十足！香翁凤梨牛排、浇汁横隔膜呢个凤梨牛排卖相几特别，凤梨仲可以烧一烧再食，香口解腻。两款肉质都几软嫩，食落都Juicy！蘑菇拼盘、牛肉海带汤、冷面职员都好好帮我哋烧埋蘑菇，轻轻烧一阵就已经可以食，味道新鲜！另外呢个牛肉海带汤入边好多海带，饮落都唔会好咸；而冷面酸酸甜甜，口感弹牙，真系好适合夏天食！