影片
更多
2015-04-01
1097 浏览
港铁嘅西港岛延线卒之通晒车，多咗3个站，以后要过去西营盘至坚尼地城就方便好多。今次嚟Next Station Dessert喺好有目的，都喺为咗佢几个「新站」 ，不过，「新站」实际就唔止3个喇。从佢哋嘅FB专页，知道有几款新品推出，如无数错嘅话，发觉新品原来有5款之多 。一如过往，都喺卖相非常吸晴，配搭有心思嘅创作。是日挨晚先嚟，唔喺食甜品嘅尖峰时段，所以客唔太多，我哋都可以坐得轻松啲，唔使担心磨得耐阻人做生意。不过，今次再嚟，发觉餐牌首页有段温馨提示，就喺紧忙时段（8:00m-12:00pm）内，设有最低消费，其实，都只不过喺每位客人要点一款甜品，或一杯饮品 ，所以，都唔算要求高。好嘞，够时候分享吓今晚我哋食咗啲咩！ 健力士啤酒朱古力慕丝配云呢嗱吉士 $59 第一站，就喺一打开餐牌首页所见嘅健力士啤酒朱古力慕丝配云呢嗱吉士，排得第一位，自有其个人长处。整道甜品好有艺术感，无论主角、配角、点缀……都做得一丝不「久」，真喺唔可以放得太耐，要趁快少少食，因为好似我哋影相搞耐咗，啲云呢嗱吉士片就软化塌塌哋，虽然仍充满蛋香，但口感变腍就差咗少少。主角健力士啤酒朱古力慕丝，下层喺朱
从佢哋嘅FB专页，知道有几款新品推出，如无数错嘅话，发觉新品原来有5款之多 。一如过往，都喺卖相非常吸晴，配搭有心思嘅创作。
是日挨晚先嚟，唔喺食甜品嘅尖峰时段，所以客唔太多，我哋都可以坐得轻松啲，唔使担心磨得耐阻人做生意。不过，今次再嚟，发觉餐牌首页有段温馨提示，就喺紧忙时段（8:00m-12:00pm）内，设有最低消费，其实，都只不过喺每位客人要点一款甜品，或一杯饮品 ，所以，都唔算要求高。好嘞，够时候分享吓今晚我哋食咗啲咩！
健力士啤酒朱古力慕丝配云呢嗱吉士 $59 第一站，就喺一打开餐牌首页所见嘅健力士啤酒朱古力慕丝配云呢嗱吉士，排得第一位，自有其个人长处。整道甜品好有艺术感，无论主角、配角、点缀……都做得一丝不「久」，真喺唔可以放得太耐，要趁快少少食，因为好似我哋影相搞耐咗，啲云呢嗱吉士片就软化塌塌哋，虽然仍充满蛋香，但口感变腍就差咗少少。
健力士啤酒朱古力慕丝配云呢嗱吉士
$59
50 浏览
0 赞好
0 留言
主角健力士啤酒朱古力慕丝，下层喺朱古力脆脆饼底，面层喺镜面朱古力浆，两者已为整件慕丝加添了浓浓朱古力香 ；而中间嘅慕丝，口感幼滑细致，嗒落渗出轻轻酒香，唔会好似酒心朱古力咁酒味一涌而上，喺慢慢咁渗出嚟，感觉唔错，都几得意。第时仲可以变奏吓，推出冧酒、咖啡酒、百利酒……等等唔同口味 。
佛手柑吉士配草莓分子啫喱 $58 第二站喺依道卖相色彩缤纷嘅佛手柑吉士配草莓分子啫喱，做出嚟个成品果然跟相片中嘅一模一样。依个饼都几花巧，啲佛手柑吉士又唔可以唧定，有单先做，而且又摆上好多装饰，如蜜饯橙片、红莓干、朱古力条、橙味泡沫，不过碟面两大块一红一黄嘅嘢，食完都唔喺好知咩嚟，估计应该喺啲好薄嘅啫喱片。
佛手柑吉士配草莓分子啫喱
$58
38 浏览
0 赞好
0 留言
朱古力拿破仑配云呢嗱雪糕 $60 第三站，曾经试过佢哋嘅粟子拿破仑，做得甚具水准，不过，今次试第3款新品，跟一般以酥皮所做嘅拿破仑好唔同，半件千层酥饼都揾唔到，所以，名字喺借用，估计喺以一层叠一层嘅概念嚟命名。虽然喺一层叠一层，但却唔喺直向，而喺横向，加埋啲朱古力浆圆点同唂咕粉方格，整个卖相颇有几何美感 。
朱古力拿破仑配云呢嗱雪糕
$60
33 浏览
0 赞好
0 留言
一层黑朱古力脆片、一层朱古力慕丝，层层相间，前者一咬即脆开，后者滑溜香浓，朱古力迷应该好满意 。其实，脆片与慕丝之间仲有一小抹红莓果蓉，可以令啲朱古力味平衡番啲，不过，个人觉得啲红莓果蓉可以仲多番少少，使效果突出啲！此外，与其配云呢嗱雪糕，不如配埋野莓乳酪雪糕就仲好。
朱古力拿破仑配云呢嗱雪糕
41 浏览
0 赞好
0 留言
净食甜品就较鞋慢慢坐，慢慢迤，所以点啲热饮衬番啲甜品之余，又可以边饮边倾。朋友拣嘅花茶，都喺以茶包冲调，好处喺两个人共享都可以，冲泡多一转都仲可以，茶香幽幽，带点酸带点果香，中和一吓甜点带嚟嘅浓甜，实在最好不过 。
香桃热情果茶
$32
40 浏览
0 赞好
0 留言
小弟都喺较爱咖啡配甜点，鲜奶咖啡喺首选心水，拉心图案就一般，但醇香补足，入口细滑绵绵。
鲜奶咖啡
$32
15 浏览
0 赞好
0 留言
张贴
