龍景軒

营业中

休息中

好耐冇嚟，因为冇人陪啰😄⋯⋯两星期前左右订位，估唔到咁快有😄，或者平日真系容易啲订位👍。同样地😁，行政套餐都唔啱食😄，散叫好啲😄。睇过今日点心😳，冇肠粉😭，有啲失望😞。点心都系啦，每笼有3件，但都可以改成人数咁多件，价钱照样计👌。我地去到，客人仲未离开，咁我地坐出面点住食物先，服务员仲好贴心问，我地赶唔赶时间添😄，我就唔赶，同行赶啲😅。安排到我地坐窗口位，饮水仙丫🙏。一阵就送咗碟乳猪😳，厨师请我地食😄，乳猪皮脆肉嫩，仲少咗啲肥肉😋，原来系厨师切咗啲去，冇咁罪恶感😄👍。虾饺皮薄虾肉够弹牙👍。烧卖猪肉同虾嘅黄金比例冇得顶👍虾籽蟹肉春圈，皮脆、蟹肉鲜👍瑶柱小笼包汤汁鲜甜👍桂花苹果叉烧盏，桂花味清香，叉烧细细粒系半肥瘦嘅，一啖一个真系好满足👍叉烧菠萝包，菠萝包香、皮松化👍皇汤鸡丝羹，皇汤即系鸡汤，煲咗6小时以上，但系饮落口好浓嘅味道，有啲怪怪地😅。鲍汁花胶鲍鱼丝炆面，服务员帮我地分埋上枱，一丝丝嘅鲍鱼，花胶就感觉到涨口，面条弹牙有咬口唔会太腍👍最后想叫甜品，但我地都巳经好饱😄，点知再送上甜品😳。奶皇流心笑口枣👍合桃酥👍桂花糕👍又系非常满足嘅一餐😄，下次再嚟食好啲😁。