旺泰特食

营业中

休息中

一家人6大3小原本book了西贡划独木舟🚢，因为打风关系暂停。但见到仍然天气晴朗，无谓嘥咗日假期，于是仍然约往西贡四周围行下，食个饭。随意走入西贡啲后街小巷，食个午餐。疫情关系，我哋分左台坐，我哋呢边order了以下几样share嚟食。泰式炒金边粉：份量比较细，但味道十分正👍👍清汤鸡粉，冬阴功鸡粉：是太太、大囡至爱，每次嚟到必叫。泰式烧猪颈肉：猪颈肉薄切，好爽口。个酱汁是精髓，起到点晴作用。青木瓜沙律：好清爽，初初觉得一啲都唔辣，但系越食越辣😋盐烧黑鲫鱼：等得比较耐，即叫即烧，大约要20分钟。鱼肉好嫩滑，个泰式酱汁提味增鲜。地方比较细，坐得唔舒服，但系食物几正宗，价钱合理。