茶湯會 (新都城中心) (已結業)

呢间茶汤会好近地铁站，大概5分钟嘅路程。店舖入边仲有几个座位可以坐，唔使买走饮。新都城嘅呢间仲有买熟食添！今次点左两杯嘢饮同埋一款小食。燕麦观音拿铁 (热)一直都好想试吓佢个燕麦系列，今次终于点左一杯热嘅燕麦观音拿铁加珍珠。本身都惊燕麦嘅味道同奶茶会唔系太夹，但原来饮落去反而令到奶香味更加重，亦都多咗一份口感，出奇地配合！珍珠非常有咬口，比其他台式饮品舖嘅珍珠细粒。新鲜水果茶(冰）水果茶饮落去好refreshing! 入面有新鲜嘅水果例如橙同百香果。个人来讲好钟意百香果嘅味道，所以我觉得呢杯野好好饮！爆浆珍奶吐司另外点左个爆浆珍珠吐司，即叫即整。吐司烘到好脆，入面有超多黑糖珍珠同奶茶酱， 香甜又有咬口！只要买任何饮品加$25就有得食爆浆珍奶吐司。单点就要$31。