叁去壹點心粉麵飯 (已結業)

先讲讲古，叁去壹呢个咁特别嘅名嘅起源，其实有少少搞笑，话说原本有三个合伙人，其中一个去黄大仙求签，签文话佢唔适合做生意，于是临时缩沙，三个合伙人减去一个，于是叫叁去壹虽然话五点开铺，但四点几已经有个阿叔冲入嚟自斟自饮。就算系闲日，由天未光到九点，一直枱枱坐满，熟客们互相讲声早晨，搭枱的与邻桌的高谈阔论，不用点菜，大师兄已自动把熟客食惯的点心送到枱上。肠粉看来很受街坊欢迎。大师兄曾受邀到日本研发改良急冻虾饺，质量当然有返咁上下。传统细细粒嘅虾饺，一啖一粒，皮薄晶莹烟韧弹牙，馅料也是老派的调味，笋丝鲜虾猪肉简单却又经典的味道。招牌点心之一烧卖虽然也有虾的成份，但与一般酒楼有只虾放面不同，它的虾已混入猪肉馅料当中。肥肉份量颇多，肉味取胜，古早独特怀旧风味大包，以前劳动阶层草根之选，依家已成为恋旧之选。传说中大包啲馅喺用卖剩嘅食材整，但今日问过师傅佢话一向唔系，要专登整嘅，每家店大包嘅馅都唔一样，呢度有啲鸡包仔嘅馅、烚蛋、叉烧，有啲铺头会有烧鸭火腩。