鳥世一

营业中

休息中

同事好钟意揾高质素嘅地方食串烧，有朋友介绍位于中环一条隐世小街的鸟世一，大厨拥有超过30年烹调日菜经验，今晚佢就话同我过去试吓！店内地方唔算大，胜在好有日本feel,店中间有个开放式烤炉，坐吧枱就可以近距离欣赏大厨烧烤嘅厨艺，主打泡制鸡肉的不同部位，是日式烤鸡肉串爱好者的好去处。点好食物侍应会拎比客人睇吓，又可以打咭！食物都好新鲜，之后交比大厨用日本备长炭去火烧。备长炭令串烧带有碳香味，而碳高温更令食物外香内软。鸡翼分两种：中段鸡翼和两节鸡翼，用备长炭火炭生烧出嚟嘅鸡翼系唔同啲，好香好入味，皮脆肉嫩。鸡颈皮：脆口弹牙。食落唔会有油腻感。银鳕鱼：烧好后的银鳕鱼表面金黄，鱼肉带有鱼油的香味，肉质鲜嫩滑溜。鹿儿岛黑豚五花腩：猪五花部位油脂丰富，鲜美爽口，肉质紧致多汁。鳗鱼饭：鳗鱼用上高质厚身白鳝，用炭烧至外层呈香脆感，鱼油和肉汁都封存起来，一口咬下鲜味立即爆破而出，鱼脂甘香，鱼肉弹牙爽口，加上鳗鱼汁十分滋味。