華記小食

营业中

休息中

今日要攞张Cheque去阿星度，阿星提议不如买外卖上佢公司食(尖沙咀食Lunch好多人)。阿星叫我去买车仔面，去到我都O左咀，乜尖沙咀有啲咁旧咁up dup既车仔面店架咩？见佢$28三𩠌，唔怪得排晒长龙啦。其实间店系有得座位既，不过好少，Lunch Time得一个钟简直系唔使谂...Order左牛腩，猪红同猪大肠油面，廿几蚊预左份量少，拎到去公司，油面已经少少发涨，面质粗身普通，唔爽口亦唔弹牙。牛腩好难揾到完整一件，因为碎上左 碎湿湿实在好难食用，不过唔un都补返几分。猪红亦属普通，猪大肠反而几香几爽林，但只有4片唔够喉。尖沙咀有$30有找既车仔面，已经好好，小店有小店生存之道，不应要求咁多。