添記燒臘茶餐廳 (已結業)

这店在这区有多久? 我唔清楚但只要稍为细心望下周围环境大概40年都无走鸡! 我试咗叫一碟两𩠌饭$30(堂食), 两𩠌系猪肉饼同云耳鸡脾肉。味道方面鸡脾肉较咸, 除咗咸之外揾唔到其他味道了。例如鸡粉😄, 猪肉饼就同其他人讲嘅一样 -  砖头肉饼。其实猪肉饼就咁望都几多肥猪肉粒, 但出奇地肉饼嘅质地好硬净。系咪师傅捞咗好多粉就唔清楚? 但咬落又唔似一旧粉头。同样地猪肉嘅肉味都无太突出。所以砖头肉饼也好枕头肉饼也好, 食得饱只是草根阶层嘅基本要求。这里似乎做到了! 事实上这里嘅价钱比两𩠌饭嘅外卖饭盒还要平, 难以理解老板是怎么能做得到?佩服佩服! 店内嘅顾客8成都是上了年纪嘅客人, 又或者系体力劳动者为主。对面枱嘅大叔就跟同枱讲以前在桂林街蛇铺食生蛇胆酒嘅往事。往事如烟深水埗可能仍旧是全港最多低收入家庭嘅地区之一。 尽管时间数十年光境静悄悄从身边溜走但人情不变。