i-Scream Gelato (已結業)

6/2/2010 (星期六)星期六下午放工后去IFC逛商场，行过这间雪糕店，见有咁多款唔同味道的雪糕，就想买一球雪糕试下。这间雪糕店几好有得试食，试了几款唔同味道的雪糕，店员推介$35可以有三个迷你雪糕球加脆饼仲可以加士多啤梨、桃子和酱料，店员话三个迷你雪糕球份量大约等于一球标准的雪糕球，于是我就拣咗三款雪糕。芒果： 雪糕入口香滑，芒果是我的至爱。玫瑰： 吃一口有淡淡的玫瑰味渗出，几特别，而且颜色鲜艳。荔枝： 以前未试过荔枝，试食一口觉得几好，荔枝味唔算太浓，但系清清地可以中和一下芒果味同玫瑰味，清清味蕾。脆饼虽然唔系新鲜即叫即做，但系咬落口仍然系脆的，而且仲有鸡疍的香味。