麥當勞 (已結業)

3月7日, 麦当劳35周年, 有个优惠系买任何超值套餐+汉堡包开心乐园餐只需$35. 我地今日就黎咗食, 老谋深算嘅我地当然计过数, 拣个最贵嘅9件麦乐鸡餐, 咁样个开心乐园餐只系要$5.x…哈哈~::: 9件麦乐鸡餐 ::: $35呀菲钟意甜酸酱, 呀比钟意烧烤酱~ 咁9件麦乐鸡就可以跟2只酱, 可以满足晒我地,正! 麦乐鸡系麦当奴咁多样食品之中感觉份量冇变嘅, 依旧好味~ 薯条份量就真系少咗… 定系我地大食咗?::: 汉堡包开心乐园餐 :::多$5.x就有汉堡包, 细薯条同细汽水, 不得不佩服我地嘅头脑, 平平地又食得饱~ 仲有玩具玩添! 不过汉堡包真系好细个! 可能要学下d鬼佬夹d薯条入个包度一齐食先会觉得饱d…不过麦当劳真系唔声唔声又加价, 我地都只会喺有coupon或者优惠嘅时候食, 如果唔系价钱同burger king差唔多, 我会食burger king, 话晒人地都系新进驻香港, d包又真系认真制作好味d…