明苑粉麵茶餐廳 (已結業)

千祈唔好去，呢间嘢越来越离谱。首先一入去已经见到有3只小强游走，但自己又系衰，记得之前试过牛坑腩味道不错，所以即管坐低，咁就中伏。哗～咩事，一黎碗牛坑腩，系一碗碎碎湿湿干蚊蚊牛腩，我谂钟意食牛腩嘅朋友知道我讲边种。我即刻同个伙计讲，条金毛中年男人竟然仲话牛坑腩系咁，唔～系呀，你咁样答人？打开门做生意，都唔好啲客人傻。算，我都费事换，真系惊你加料。我真系一边食一用个心赞你妈妈，其实如果唔识咩叫牛坑腩，你唔好出现系餐牌上，唔好呃人啦，整啲垃圾畀人食，我以后唔会帮亲。