影片
更多
2017-08-02
493 浏览
呢度系我返工既饭堂之一，食物选择唔多，胜在质素稳定，大部分野食都好味。首选一定系牛肉面($55)，虽然唔系传统台湾牛肉面，无红萝卜、白萝卜同萝卜汤，但系牛肉同汤就好有特色。牛肉肉质嫰滑，夹杂住牛筋，肉味唔太浓，好彩牛肉牛筋煮到软熟再淋上酸酸地既酱汁，肉味同酱汁味调和得啱啱好，再加埋香浓既牛肉汤，得闲既话会好想食到反转碗底。面条由我第一次黎食以黎已经转过三种，由上海面到鸡蛋面，再到而家有d似河粉、有d幼身既阔面，而家呢款面本身既味道唔系最突出，但系比较吸汤汁，同成个面比较夹。猪脚面都唔错($53)，猪脚已经切到好细旧，食起黎唔会狼狈。猪脚好似系用卤水汁煮既，味道温和，个汤就无牛肉面咁突出，如果你想食清淡d就拣猪脚面好d。饮品一定要试奶茶，茶底清香，有d似食野之前上既清茶，其实饮到底觉得唔够茶味既话，倒d清茶落去个味道一样夹，可能真系同一㮔茶冲既。好难得奶味同茶味各自都分明，唔会有是但一样太突出。要记得叫少甜，店员多数手势太重。比较唔掂既系莲偶饼，肉饼本身味道ok，但系莲偶粒非常少又细粒，好唔够喉，肉饼本身又细块。
首选一定系牛肉面($55)，虽然唔系传统台湾牛肉面，无红萝卜、白萝卜同萝卜汤，但系牛肉同汤就好有特色。牛肉肉质嫰滑，夹杂住牛筋，肉味唔太浓，好彩牛肉牛筋煮到软熟再淋上酸酸地既酱汁，肉味同酱汁味调和得啱啱好，再加埋香浓既牛肉汤，得闲既话会好想食到反转碗底。面条由我第一次黎食以黎已经转过三种，由上海面到鸡蛋面，再到而家有d似河粉、有d幼身既阔面，而家呢款面本身既味道唔系最突出，但系比较吸汤汁，同成个面比较夹。
猪脚面都唔错($53)，猪脚已经切到好细旧，食起黎唔会狼狈。猪脚好似系用卤水汁煮既，味道温和，个汤就无牛肉面咁突出，如果你想食清淡d就拣猪脚面好d。
饮品一定要试奶茶，茶底清香，有d似食野之前上既清茶，其实饮到底觉得唔够茶味既话，倒d清茶落去个味道一样夹，可能真系同一㮔茶冲既。好难得奶味同茶味各自都分明，唔会有是但一样太突出。要记得叫少甜，店员多数手势太重。
比较唔掂既系莲偶饼，肉饼本身味道ok，但系莲偶粒非常少又细粒，好唔够喉，肉饼本身又细块。
张贴