すき焼 森 (歌賦街) (已搬遷) 新店位置

好难打得通电话，尽量去试，总会成功。一间小店，开业4年多，餐牌冇加过价。。。前菜系慕茸加菠菜，加上酱油，清新非常。到茶碗蒸，都系慕茸蒸蛋，蒸蛋真系非常合格，好滑又弹。今日好彩，有北海道生蚝，生蚝肥大肉厚，海水味唔重，但非常鲜嫩肥美多汁又甜。到剧肉，一块近江A4牛，夹开慢慢食，先咩都唔好搅，就咁放入口，系开心到唔想出声同讲嘢，油脂分泌喺口入面卷起风浪。再夹件去沾蛋液，蛋液令到牛肉更加滑。最后夹埋白饭一齐食，饭粒沾上牛油，令原本巳经好香嘅米，加上色彩。食吓肉，食吓菜，菜都用烧过嘅牛留低嘅油煮，令到蔬菜重生一样，肩肉就有啲咬口，都带少少筋，牛味浓过西冷。如是者一牛一菜，都巳经饱饱哋，再嚟个滑蛋牛炒饭，我要少饭丫唔该。放近江牛肉粒落去，炒两吓落蛋，炒两吓落埋饭，非常专业，饭粒沾满蛋、牛油，一匙羹仔放入口，好食到唔想咁快吞落肚呀。面豉汤就带点酸酸哋嘅味道，我冇留意听侍应讲系咩。最后我食柚子雪糕，饮热柠水。坐Bar枱，厨师好专业、细心讲解。侍应清枱倒啤酒跟得足。最重要系摆位，日本人攞位筷子系打横放架。去日本超级市场，买碗近江牛肉饭都要二百几，小店有咁高质素，唔怪得咁难订位。