影片
更多
2013-09-09
84 浏览
吃茶记，面包铺是一星期总要做几次的事，经验尚算丰富，以下系我对呢间茶记既食评1. 食物质素 （餐厅部）卖相：中上，起码用既碟系干净无污秽，或者崩左呢d问题味道：中等，热度足够，小炒缺镬气份量：减肥中的女士会岩岩好，一般男人都应该要求加底才会有饱足感2. 服务态度（餐厅部）一般都无咩问题，系个收银真系生手得制，有咩可能食$150野比$500纸佢找，佢找返$150比你，你同佢讲佢仲要话岩呀1. 食物质素（面包部）味道：味道大部份普通，某几款属中上，偏轻身款式：款式不算多，而且很多面包店应有的都没有，但胜在喜欢创新2. 服务质素（面包部）每日我都仲意买个包加杯冻啡少甜做早餐，以下系本人既经历：第一天：收银姊姊唔识禁面包价钱加钱有野饮，所以本人呆等第二日：收银姊姊入错单，冻啡少甜变热啡，又要再等第三日：收银姊姊又入错单，冻啡再变成热啡，不同的是侍应姊姊今次既死鸡撑饭盖，当时得我一个人等紧外卖，侍应姊姊拎住杯热啡嗌住：「外卖热啡！」咁行埋黎我度，我梗系同佢讲我要冻啡喇，佢居然答我：「喔，呢个唔系你架，你杯冻啡整紧！」听完真系啤一声，仲要比我见到个收银同佢做咗个sorry既动作。喺客人既角度，我宁
吃茶记，面包铺是一星期总要做几次的事，经验尚算丰富，以下系我对呢间茶记既食评
1. 食物质素 （餐厅部）
卖相：中上，起码用既碟系干净无污秽，或者崩左呢d问题
味道：中等，热度足够，小炒缺镬气
份量：减肥中的女士会岩岩好，一般男人都应该要求加底才会有饱足感
2. 服务态度（餐厅部）
一般都无咩问题，系个收银真系生手得制，有咩可能食$150野比$500纸佢找，佢找返$150比你，你同佢讲佢仲要话岩呀
1. 食物质素（面包部）
味道：味道大部份普通，某几款属中上，偏轻身
款式：款式不算多，而且很多面包店应有的都没有，但胜在喜欢创新
2. 服务质素（面包部）
每日我都仲意买个包加杯冻啡少甜做早餐，以下系本人既经历：
第一天：收银姊姊唔识禁面包价钱加钱有野饮，所以本人呆等
第二日：收银姊姊入错单，冻啡少甜变热啡，又要再等
第三日：收银姊姊又入错单，冻啡再变成热啡，不同的是侍应姊姊今次既死鸡撑饭盖，当时得我一个人等紧外卖，侍应姊姊拎住杯热啡嗌住：「外卖热啡！」咁行埋黎我度，我梗系同佢讲我要冻啡喇，佢居然答我：「喔，呢个唔系你架，你杯冻啡整紧！」听完真系啤一声，仲要比我见到个收银同佢做咗个sorry既动作。喺客人既角度，我宁愿你同我老实。
第四日：我潜意识话我知，呢间野都错左连续3日喇，无可能再错喇挂。因为咁，我喺佢入机时特别留心，我见到佢今次入咗2次冻啡，我等紧杯啡时，我喺度谂应该系我睇错既，第四日无可能再错喇。5分钟后，侍应姊姊拎住2杯冻啡出黎，我咀都o埋，喺我转身走果一刻，我觉得当晚开果期金多宝系我架喇，因为我无谂个一间食肆可以连续4日错同一件事，而呢件事全部都发生喺同一个顾客身上。只有一字：「服」
张贴