影片
更多
2017-04-26
161 浏览
话说睇到饮食杂志出左个post好似好正，计落百几蚊落到楼，经济又实惠，于是blue Monday 小队又出动喇！舖头位于湾仔中心地段既商厦，新 喜帖街隔离，路痴既我都完全无难度。上到去好有日本feel，卡位相当阔落。入正题，小队4人一人一份set丼一齐share，每份set都配蒸蛋、沙律、渍物、味噌汤、甜品／咖啡第一份上枱，朋友A忍唔住爆左句：「哗，个样仲新鲜过menu张图！」甜虾三文鱼籽马粪海胆松叶蟹柳丼3大只甜虾肉爽；三文鱼籽多到差不多盖过整碗饭面，而且每粒有手指尾头咁大，啖啖咬落去系口入边爆到阿妈唔认得，同埋食到尾真系想讲D鱼籽多过饭粒啰；海胆，老老实实，未到金舌头境界唔肯定系咪马粪，但肯肯定定同你讲佢唔腥，仲有少少海水味；松叶蟹柳，虽则话系蟹柳，咁都连返少少壳俾你睇到佢未L之前个样既，除左鲜甜同啖啖肉，真系谂唔到用乜黎形容，最正系咩呀，师傅拆左一大堆蟹肉同埋上边放左蟹膏呀妈咪，真系超标都要食。松叶蟹脚香葱吞拿鱼腩配马粪海胆丼呢个丼系我地拣4个set入边最得既一个，份量疑似都系最多，成座富士山咁高（笑）。首先师傅吩咐上菜同事要同我地讲解，鹌春蛋应该点食，边种食材应该食左先，点捞最
话说睇到饮食杂志出左个post好似好正，计落百几蚊落到楼，经济又实惠，于是blue Monday 小队又出动喇！舖头位于湾仔中心地段既商厦，新 喜帖街隔离，路痴既我都完全无难度。上到去好有日本feel，卡位相当阔落。
入正题，小队4人一人一份set丼一齐share，每份set都配蒸蛋、沙律、渍物、味噌汤、甜品／咖啡
第一份上枱，朋友A忍唔住爆左句：「哗，个样仲新鲜过menu张图！」
4 浏览
0 赞好
0 留言
6 浏览
0 赞好
0 留言
海胆，老老实实，未到金舌头境界唔肯定系咪马粪，但肯肯定定同你讲佢唔腥，仲有少少海水味；
6 浏览
0 赞好
0 留言
15 浏览
0 赞好
0 留言
呢个丼系我地拣4个set入边最得既一个，份量疑似都系最多，成座富士山咁高（笑）。首先师傅吩咐上菜同事要同我地讲解，鹌春蛋应该点食，边种食材应该食左先，点捞最正云云。
松叶蟹脚，起码有3、4大条，多到平时贪心既朋友C都话要同大家share；
香葱吞拿鱼腩，葱先系灵魂既所在，令到肥美既鱼腩蓉唔油腻；
同样地，师傅拆左一大堆蟹肉，但见到配左切粒青瓜，本来有D怀疑，点知放入口我就知道错鸟，成件事完全无违和感，反而带点fresh。
17 浏览
0 赞好
0 留言
同坊间卖二、三百蚊既比，呢个西京烧简直系良心之作。
首先上碟总共有2大旧，鱼肉唔削而口感油润，朋友R超钟意食银鳕鱼，食到旧半都话太肥美好饱；
除左餐跟沙律外，呢份熟食set都配左大堆蔬菜，有营之选，女士们拣呢个餐都无罪恶感；
Kekeke最后重点 珍 珠 米，即系咁日式餐厅黎讲我都几著重呢碗饭，热腾腾香喷喷散发住日本米独有既香味咁先系正货。
1 浏览
0 赞好
0 留言
写铁板，用正常碟上，牛柳粒外脆内软，o赵落无筋充满牛脂香，7成熟左右，个人口味如果可以生返少少大约5成熟就very good喇；
呢份熟食一样配有大量蔬菜，除此之外仲有亮点既蒜片同埋烧青椒仔，夹住旧牛柳粒食够哂香口。
8 浏览
0 赞好
0 留言
张贴
