影片
更多
2019-03-28
4162 浏览
餐厅：开餐达人 (观塘)地址：观塘开源道47号凯源工业大厦1楼B室星期一至四$138加一，星期五六日$148加一就可以任食4.5小时美国西冷牛扒同打边炉！？唔系讲笑，观塘工业区有一间叫开餐达人嘅餐厅，主打比屋企人朋友聚餐，一边玩一边食，以极抵价钱就可以又食到牛扒，又有边炉打，仲有得唱k自制唔同食野，除返开每个钟都只系大概$30，真系抵到烂！任食牛扒每一块都好大，虽然唔及得上高级西餐厅嘅牛扒，肉质都唔算太靓，但系放入口都唔会好韧或者痴牙，配上烧汁，都值得一试。打边炉汤底系三色汤底，有苹果蕃茄浓汤、重庆辣鸡王同越式香茅柠檬猪骨汤，估唔到一个价钱仲可以食埋鸡煲添！重庆辣鸡王汤底够麻辣，辣嘅程度亦系大部分人接受到嘅，未食就已经闻到阵阵麻辣味😻苹果蕃茄浓汤唔会太酸甜，唔会抢咗食物本身嘅味道，对比起出面只系蕃茄汤底嘅话多左一份苹果香同甜，柠檬猪骨汤更系本人至爱！用呢个汤底打边炉可以食到越式嘅味道，真系一次过满足你三个愿望！除咗一般都会有既猪牛鸡同丸之外，比较特别嘅有芝士豆腐、麻吉烧（年糕鱼饼）、蜂巢豆腐、泰式金边粉等。边炉材料新鲜，食物都来得好快，绝对唔会偷工减料，食物上台时唔会雪到硬哂或者出水，
地址：观塘开源道47号凯源工业大厦1楼B室
星期一至四$138加一，星期五六日$148加一就可以任食4.5小时美国西冷牛扒同打边炉！？
唔系讲笑，观塘工业区有一间叫开餐达人嘅餐厅，主打比屋企人朋友聚餐，一边玩一边食，以极抵价钱就可以又食到牛扒，又有边炉打，仲有得唱k自制唔同食野，除返开每个钟都只系大概$30，真系抵到烂！
任食牛扒每一块都好大，虽然唔及得上高级西餐厅嘅牛扒，肉质都唔算太靓，但系放入口都唔会好韧或者痴牙，配上烧汁，都值得一试。
打边炉汤底系三色汤底，有苹果蕃茄浓汤、重庆辣鸡王同越式香茅柠檬猪骨汤，估唔到一个价钱仲可以食埋鸡煲添！
重庆辣鸡王汤底够麻辣，辣嘅程度亦系大部分人接受到嘅，未食就已经闻到阵阵麻辣味😻
苹果蕃茄浓汤唔会太酸甜，唔会抢咗食物本身嘅味道，对比起出面只系蕃茄汤底嘅话多左一份苹果香同甜，柠檬猪骨汤更系本人至爱！用呢个汤底打边炉可以食到越式嘅味道，真系一次过满足你三个愿望！
除咗一般都会有既猪牛鸡同丸之外，比较特别嘅有芝士豆腐、麻吉烧（年糕鱼饼）、蜂巢豆腐、泰式金边粉等。
边炉材料新鲜，食物都来得好快，绝对唔会偷工减料，食物上台时唔会雪到硬哂或者出水，相信食材存放系一个适合温度嘅地方，以致煮完都能够保存到食物原味👍🏾。
除咗食牛扒同打边炉，仲可以自制鸡蛋仔、炒雪糕、棉花糖等，唔单止食仲有得落手做埋一份😎鸡蛋仔尤其地一赞，因为整脆嘅或者松软够厚嘅鸡蛋仔都可以自己去控制，对于新手初次去整都唔会太困难，虽然整完出黎卖相麻麻，但系蛋香十足，同出面嘅鸡蛋仔有得fight😆
饮品同雪糕糯米糍都系免费任饮任食，饮品仲有比较少见嘅豆奶、忌廉鲜奶、冬瓜茶等。
话明4个半钟，点会只系得食咁dry呢？呢度有K唱、有broad game玩，一个价钱包埋唱K真系抵到爆啊，小编都唱左几首张敬轩同陈柏宇嘅歌☺️
虽然系星期日去，但系可能因为系工业区嘅关系都唔系太多人，无爆场，但我相信我之后都一定会同唔同朋友再去，因为真系好正😍
张贴
