杏香園 (已結業)

话说去过澳门嘅杏香园之后，见识过佢嘅马蹄沙之后简直惊为天人，一直对佢念念不忘，唔系讲笑真系有初恋嘅感觉，每隔一排又会挂住佢。好在而家喺香港有两间分店，挂住佢都唔洗专登去澳门食。今晚食完饭，又挂住佢了，所以几攰都好都要专登走过嚟九龙城分店食一食！蛋白马蹄沙 ($43)佢呢个嘅卖相同澳门嘅差不多，就系𠮶种好亲切嘅感觉！外面𠮶啲马蹄露系开粉，只有甜及成口糊。但呢度嘅系非常真材实料，马蹄碎及马蹄沙捞埋一齐好浓稠，啖啖都系成口马蹄，充满咬口感，食得非常开心一碗系唔平，但食嘅就系足料！$43就系食初恋嘅感觉！