築地‧山貴水產市場 (已結業)

行完书展正想谂住搭船过尖沙咀揾嘢食、喺码头见到呢间野环境好似几靓谂住试吓。坐低打算Order寿司set同埋鸡肉拼盘，侍应话鸡肉拼盘要等一个钟，咁我哋唯有order两个寿司set先，谂住未够六点食少少当下午茶。起初谂住一路倾吓计一路等住食物、最初等20分钟都未有声气，同侍应追左一次、之后等左30分钟都未有好唔对路，再同较高级的职员反映、等到40分钟之际，眼见隔离枱都上咗鸡肉拼盘、我哋个份只有十件手握寿司既set都未黎，再揾𠮶位较高级既职员，佢就答你依家有客入嚟佢哋都会覆食物要等45分钟。唔系呀？！10件手握寿司都要等45分钟，同埋我地入嚟𠮶阵时你哋都冇同我讲要等咁耐。我又唔系咁信你逢见有客走入黎都同啲客讲45分钟先有得食呀，咁样耍我... 我问佢开始整未？！佢即答5分钟俾你！最后总共等左45分钟上𠮶十件寿司。制作食物需时但系手握寿司呢个等候时间好唔合理。真系乜嘢服务嚟㗎？食物是没问题 北海道海胆亦是真材实料，但咁样嘅服务真系几吓人，叫人点食下次。如果大家真系谂住入去食嘅、奉劝各位要有心理准备等一个钟食物。