影片
更多
2020-08-06
1799 浏览
今日响长沙湾有少少嘢做， 做完后， 收到屋企人话今日唔想煮嘢，叫我买外卖返屋企, 经过茶楼觉得家人都啱食,又有四八折，好抵, 就拣依间啦！瑶柱金菇炆伊面 外卖价$42好耐冇食过伊面，响芸芸的选择当中，第一样就想点依样！返到屋企打开见到原来好大盒， ，唔会因为系优惠价而偷工减料，有不少干瑶柱丝铺咗响伊面嘅面，伊面软硬度适中，好够味道， 当中有萝卜丝，韭黄同埋菇片。黑椒香薯牛柳粒 外卖价$57牛柳粒偏大粒，咬落都几够淋，啱牙力唔够嘅爸爸食， 而且牛粒唔多肥膏，牛味都重， 薯仔系先炸过的，所以够晒香！西兰花炒蚌片虾球 外卖价$61都知屋企人唔钟意食要剥壳嘅海鲜㗎喇， 呢味𩠌啱晒佢哋， 虾头同蚌方又大又爽口, 加上“卜卜脆”嘅西兰花,只要每样食材都新鲜，以简单嘅蒜蓉炒,已经将食物嘅鲜味徐徐带出。扬州炒饭 外卖价$42炒饭中间有菜心粒，炒蛋粒，叉烧粒同虾等等，炒得偏干身，而且每粒都炒得分明， 食落好香，唔连𩠌，就咁食都好滋味！竹笙罗汉上素 $41由于竹笙比较贵,出面嘅茶楼通常都系敷衍了事，最多只系放四至五片就算， 今次就刚刚相反有超多嘅爽口竹笙加埋唔同嘅菇菌类，木耳同马蹄, 如果有埋豆腐就
瑶柱金菇炆伊面 外卖价$42
好耐冇食过伊面，响芸芸的选择当中，第一样就想点依样！返到屋企打开见到原来好大盒， ，唔会因为系优惠价而偷工减料，有不少干瑶柱丝铺咗响伊面嘅面，伊面软硬度适中，好够味道， 当中有萝卜丝，韭黄同埋菇片。
黑椒香薯牛柳粒 外卖价$57
牛柳粒偏大粒，咬落都几够淋，啱牙力唔够嘅爸爸食， 而且牛粒唔多肥膏，牛味都重， 薯仔系先炸过的，所以够晒香！
西兰花炒蚌片虾球 外卖价$61
都知屋企人唔钟意食要剥壳嘅海鲜㗎喇， 呢味𩠌啱晒佢哋， 虾头同蚌方又大又爽口, 加上“卜卜脆”嘅西兰花,只要每样食材都新鲜，以简单嘅蒜蓉炒,已经将食物嘅鲜味徐徐带出。
扬州炒饭 外卖价$42
炒饭中间有菜心粒，炒蛋粒，叉烧粒同虾等等，炒得偏干身，而且每粒都炒得分明， 食落好香，唔连𩠌，就咁食都好滋味！
竹笙罗汉上素 $41
由于竹笙比较贵,出面嘅茶楼通常都系敷衍了事，最多只系放四至五片就算， 今次就刚刚相反有超多嘅爽口竹笙加埋唔同嘅菇菌类，木耳同马蹄, 如果有埋豆腐就更加好。
马来咖哩鸡 $44
呢个系一个重口味嘅𩠌 ，同平时食开嘅港式咖哩同印度咖哩好唔同多咗一份香嘅味道而少左香草味,无咁刺激，易送饭一点！薯仔软绵绵，有啲起沙感，加埋微辣嘅味道，食完个身暖暖的！
依家疫情严重，大家最好留在家,偶尔想食街外嘢就可以考虑买吓依啲依啲咁抵又不错嘅外卖啦～
张贴
