牛魔 (已結業)

牛摩今次推介喺尖沙咀棉登径嘅一间烧肉店叫「牛摩」，呢间烧肉门门口已经有斜路，完全好方便轮椅人士入去食，不过佢哋有一张好重嘅counter枱喺斜路上面，店员见到我都好乐意推走张枱比我入去食，餐厅入面唔算好大，啱啱好够一张轮椅过，埋到去烧肉枱小心要睇住自己「菠萝盖」，枱底都算厚，不过见到午市套餐咁平点都要食返转，套餐最平$48起，包括有迷你饭，牛骨汤同沙律，喺烧肉店嚟讲性价比真系好高！1.牛五花套餐（100g）$48+可口可乐$10（7.5/10）每个套餐都会包括有迷你饭，牛骨汤同沙律，而我就拣咗最平牛五花食，$48就可以食到100g嘅牛五花，大约有10块牛五花，虽然烧起嚟有少少碎，但性价比真系好高，牛骨汤又好饮，沙律菜又新鲜多水，系得饭干咗同硬咗少少，整体嚟讲唔错！2.日本A4和牛西冷,牛板腱套餐(100g)$138+手拆纯蟹粉蟹黄兰王拌饭$58+可口可乐（zero）$10（8.5/10）再拣多一个日本A4和牛西冷,牛板腱套餐嚟食，有一大块日本A4和牛西冷同3块牛板腱，块A4和牛西冷薄薄一块，油花劲靓劲均匀，食落口感嫩滑，油脂劲香，牛板腱都一样，至于白饭就转咗叫手拆纯蟹粉蟹黄兰王拌饭，蟹