牛魔 (已結業)

最平48蚊可以喺尖沙咀食到日式烧肉午市套餐😆有肉有汤有沙律有饭/乌冬有嘢饮，仲要坐得几舒服，真系超值！.$48嘅系牛五花套餐，有100g牛五花(约8片)，另外配乌冬或者御饭、沙律、汤同埋饮品，真系一啲都唔hea😆👍🏻最贵嘅极上和牛自慢系列都只系$128，已经食到日本A4和牛西冷+牛板腱(100g)套餐～单点咗一份西班牙黑毛猪颈肉($28/50g)，烧猪颈肉油脂丰富食落特别香😀另外呢到每个套餐可以拣三款酱料，酱料选择都几多！包括有黑松露烧汁、黑椒盐酱、柚子胡椒汁、柚子烧汁、芥末忌廉汁、生姜烧汁、韩国烧汁、焙煎胡麻汁、咖喱盐同埋柠檬盐～.除咗价钱唔贵之外，特别欣赏呢到环境宽敞，我同男朋友坐到卡位，坐得好舒适。