影片
更多
2009-03-28
15 浏览
五个朋友仔, 响沙田新城市兜左个圈都唔知食乜好, 见到呢间铁板200够大, 所以唔使等位, 价钱又唔系太贵, 决定入去一试...个waitress安排我地坐门口位, 佢话入面无位㖞, 咁算啦, 都系俾人望住食尴尬D je, 如果唔系都无乜问题ge, 但系我同一个fd去厕所途中, 见到入面明明仲有位, 有D系未执好, 但系有张枱已经执好哂, D碗碟都排得靓靓, 做乜要逼人坐门口je, 即刻叫换位啦, 顺利搞掂! 可能门口带位同入面沟通有问题?跟住讲下D食物! Exactly个名已经唔系好记得喇, 大概啦... 烧饼拼炒面: well, 好似将两碟唔同ge野沟埋一齐咁... 不过D烧饼汁真系几好食, 无论点烧饼又好, 点炒面都好, 都好好食, 一碟仔烧饼汁唔够食, 叫佢拎多碟! 不过我个人认为烧饼好味D, 建议净叫烧饼, 或者试下其他口味ge烧饼又得... 温泉蛋炒饭: 真系唔系好知呢只蛋同普通半生熟蛋有咩分别, 亦唔知碟炒饭同普通炒饭有乜分别, anyway, 炒饭炒得几香, 不过真系唔好为左试下咩系温泉蛋而叫呢碟炒饭, 唔系会失望... 串烧: 最唔抵食, 叫左个中等分量ge杂锦串烧,
个waitress安排我地坐门口位, 佢话入面无位㖞, 咁算啦, 都系俾人望住食尴尬D je, 如果唔系都无乜问题ge, 但系我同一个fd去厕所途中, 见到入面明明仲有位, 有D系未执好, 但系有张枱已经执好哂, D碗碟都排得靓靓, 做乜要逼人坐门口je, 即刻叫换位啦, 顺利搞掂! 可能门口带位同入面沟通有问题?
跟住讲下D食物! Exactly个名已经唔系好记得喇, 大概啦...
烧饼拼炒面: well, 好似将两碟唔同ge野沟埋一齐咁... 不过D烧饼汁真系几好食, 无论点烧饼又好, 点炒面都好, 都好好食, 一碟仔烧饼汁唔够食, 叫佢拎多碟! 不过我个人认为烧饼好味D, 建议净叫烧饼, 或者试下其他口味ge烧饼又得...
温泉蛋炒饭: 真系唔系好知呢只蛋同普通半生熟蛋有咩分别, 亦唔知碟炒饭同普通炒饭有乜分别, anyway, 炒饭炒得几香, 不过真系唔好为左试下咩系温泉蛋而叫呢碟炒饭, 唔系会失望...
串烧: 最唔抵食, 叫左个中等分量ge杂锦串烧, 有D真系好难食, 好唔抵食, 唔好叫: 青椒 (苦ga!), 应该叫: 烧牛舌(好味又特别), 其他就自己谂喇, 唔系太难食亦唔系太特别...
牛肉卷: (唔记得影相呀!!! 因为好似好好食, 所以我第一个食左, 食完之后先至记得, 算啦!) 味道好好, 趁热食更good! 不过系用肥牛包ge, 怕肥ge唔好谂住可以将肥膏分开, 我试过, failed, 因为包得都几实, 算, 少少肥膏, 我豪俾佢!!!
海鲜炒乌冬: yummy! 全程最好味最抵食! 多海鲜, 多汁, 反而唔系太多乌冬, 唔似平时咁大堆头, 炒起上黎味道几好! 可以一试!
蛋包炒面: 系制作得几精致, 但系无乜味, 唔好食, 我要加返先前剩低ge烧饼汁先至觉得有味...
个人平时食开和民(不过唔系新城市呢间), 觉得都几似, 不过呢度每碟大碟D又贵D, 味道就好似我食开铜锣湾间和民好食D... 不过和民每碟少, 两三个人share一碟每个人都试到, 5个人就呢度每碟份量足够D, 保证足够每人试少少...
张贴
