串夠味

营业中

休息中

原来已经5年冇嚟过，今次原班人马再去，食个痛快。首先我哋一早预订咗舖头出边嘅位置，喺凉风之下食住串烧，一乐也。5人前疯狂叫嘢食，其实全部食物都达到水准，当中我个人比较欣赏嘅系煷厚切牛舌，烧鳝，烧吞拿鱼下巴，同埋盐烧鸡翼。牛舌我哋总共嗌咗4串，食到停唔到口。老板仲认得我哋，同埋隔篱枱食客一齐有倾有讲，好开心，已经好耐冇呢种开心嘅氛围，值得一赞👍🏻以前我哋好钟意饮佢嘅龙眼水，唔知系咪年纪大咗😂，今次饮就觉得太甜。另外都叫咗生啤🍺，送串烧简直绝配。