Kam's Cafe (已結業)

完全系中伏！朋友叫嘅Lunch餐牌已经要成旧水一个，细碟到好似下午茶份量咁，都算...我都唔嫌贵叫咗个特别推介嘅安格斯牛排午餐，离晒谱！红汤系罐头汤质素、餐包虽然写蒜茸多士，但嚟到系无味嘅、个意粉有苏味、牛排无味、求其揾D下价椰菜碎伴碟、黑椒汁系几粒黑椒加水咁嘅味，全部用胶碟、碗上台，仲衰过花园餐厅！要支叉要叫几次！完全系无服务、无食物质素、无环境嘅一间野！总之打死都唔会再去！最衰无影到相...不过可以望下其他朋友仔upload𠮶啲，都唔会特别开胃！贵唔紧要，但唔系咁样交行货啰！谂唔明点解仲可以经营到=.=