影片
更多
2016-06-07
1992 浏览
同朋友游完水，做完运动，当然要医肚。走到大坑，左谂右谂，都谂唔到食乜好，眼见一间又一间够钟闩门。行到潮民，受到热情款代，诚意邀请我地入去试下佢地新研发既鸡煲㖞。咦～个鸡煲坚系特别。平时只见一大堆芹菜，洋葱，大葱咁。但今次见到既系青椒同埋青瓜，新奇！青瓜同浓味既鸡煲做出奇咁夹。汁味香浓，只点小辣，但威力都唔弱，麻辣味都几平均。鸡呢就切得太大件啦，大家都觉得有少少难处理。好，加汤变身火锅，值得一提系佢用既汤唔系清汤，系有色煲过既上汤嚟，仲有好多花椒喺入面添。所以出到嚟效果唔会好明显淡左，保持到一定既鸡煲浓味。向铃质素唔太突出，吸汤汁后焾得好快，咬落有少少韧，唔易断开。墨鱼滑就劲，卖相已经好好，成球雪糕咁嚟。墨鱼滑坚有好浓墨鱼味，超级弹牙，我相信真系可以打乒乓波果只。呢个豚腩片又系顶呱呱。由于同行友唔食牛局住点猪肉，但真系无后悔。厚度大约系平时手切肥牛两倍咁上下啦，少少厚身。食落口感好好，佢又有少少肥，有返啲香口。配埋鸡煲个味真系好掂。饺我地点左好几种。爱心饺其实系韮菜猪肉，虽然无乜汤汁，但真材实料，韮菜超鲜嫩。豆苗带子饺用既系温室豆苗，有少少失望，但佢唔老亦无草青味，其实都几正。咸蛋虾云吞
走到大坑，左谂右谂，都谂唔到食乜好，眼见一间又一间够钟闩门。
行到潮民，受到热情款代，诚意邀请我地入去试下佢地新研发既鸡煲㖞。
咦～个鸡煲坚系特别。平时只见一大堆芹菜，洋葱，大葱咁。但今次见到既系青椒同埋青瓜，新奇！
青瓜同浓味既鸡煲做出奇咁夹。
汁味香浓，只点小辣，但威力都唔弱，麻辣味都几平均。
鸡呢就切得太大件啦，大家都觉得有少少难处理。
好，加汤变身火锅，值得一提系佢用既汤唔系清汤，系有色煲过既上汤嚟，仲有好多花椒喺入面添。所以出到嚟效果唔会好明显淡左，保持到一定既鸡煲浓味。
向铃质素唔太突出，吸汤汁后焾得好快，咬落有少少韧，唔易断开。墨鱼滑就劲，卖相已经好好，成球雪糕咁嚟。
墨鱼滑坚有好浓墨鱼味，超级弹牙，我相信真系可以打乒乓波果只。
呢个豚腩片又系顶呱呱。由于同行友唔食牛局住点猪肉，但真系无后悔。
厚度大约系平时手切肥牛两倍咁上下啦，少少厚身。
食落口感好好，佢又有少少肥，有返啲香口。
配埋鸡煲个味真系好掂。
饺我地点左好几种。爱心饺其实系韮菜猪肉，虽然无乜汤汁，但真材实料，韮菜超鲜嫩。
豆苗带子饺用既系温室豆苗，有少少失望，但佢唔老亦无草青味，其实都几正。
咸蛋虾云吞，呢个真系几特别，食落入面起晒沙，好香咸蛋黄味。
呢度啲饺只只都涨卜卜，又新鲜包出嚟，感觉唯一美中不足系一客有５粒，实在难分。
虽然有一位同行友人唔食牛肉，但佢都好为我地设想。老细非常咁推介呢度既牛肉，但我地又真系食唔晒成碟。
就戏言话不如切两块嚟试下，好食就下次拉队牛魔王嚟食啦。
点知老细听到真系二话不说走去厨整左呢碟野出嚟。
其实我地又唔系搲野食，成餐都有倾有讲交流下饮食心得咁。
讲返个牛肉先，有两种，左边系高级本地手切，右边系普通少少既本地手切。
左边个牛味较重，有咬口，慢慢咬落会有啲油香渗出嚟。
右边果个就焾身啲，同样系重牛味。
其实两个都好味，有得拣都系两个叫晒会好啲。
有时出街食饭，服务同诚意真系好紧要。
全餐由佢超热情咁招呼入去，到推介有乜好食，继而再逐样野问我地意见，交流下佢啲食物有乜特别之处。
简单一个火锅，有心都可以做得好互动。
食餐饭，食物当然要好味，但心情都好紧要，令食客可以开开心心食完餐饭，咁先有番头客。
张贴
