Thirty First of May (已結業)

今日同朋友系荃湾广场睇完戏，即刻就揾下附近有咩好野食啦，系openrice 揾到呢间西餐厅非常近就立即起程去。餐厅装修非常有情调，大大个月亮吊系半空中，真系唔系为食野都想入黎坐下，影下相打下卡。餐厅有2款2人set dinner, 一款系牛扒为主，另一款就系海鲜为主，今次我地就先试下牛扒set 。头盘系一个三文鱼牛油果沙律，份量一d 都唔少，而家材料新鲜，卖相亦都好靓，餐厅唔会预先帮你捞定沙律酱，而系客人自己捞，等你可以就返自己口味。跟住就有个黑松露野菌忌廉汤配餐包，忌廉汤既松露味非常香，未埋枱离远已经闻到，而且口感细滑，味道非常好，唔可以唔提就系餐包，餐厅非常有心思，利用蒸笼方式上菜，好有趣。意粉就拣左个carbonara , 意粉上面有一层烘干既芝士，非常香，意粉好弹牙，餐厅话意粉加入日本蛋，令个意粉颜色同味道都更加好。主菜就系m5牛扒，我地叫左3成熟，牛扒肉质非常嫩，而且酱汁由自己搽上牛扒，令你可以自己调较你想既味道。配菜既牛油薯蓉好creamy 好滑，而且味道好好。餐厅除左气氛好，食物质素一d 都唔失礼，绝对系拍拖聚会既好地方。