石之牛石板日式料理 (已結業)

无谂过深水埗都会有高质嘅石烧牛，平时食石烧牛都系去出名果几间。今日行去搭巴士嘅时候经过呢间。门口有个女仔好落力咁sell，餐厅仲要好光猛，我地就系咁样吸引左入去食个晚餐😆😆餐牌好多选择，仲有鳗鱼好特别！环境好舒服，入面大概有10张枱，全部卡位，梳化凳。拣完食物出去落单俾钱，之后就有人送餐咖啦。落完单转身就可以系自助吧拎野食，有沙律🥗罗宋汤同饭，仲有好多不同酱汁。。。好快食物就送上，个石板好热要小心唔好掂到！牛小排朋友最中意食牛小排，因为软淋好味，又唔会痴牙，一份大概200G左右，本身上枱时系1成熟，之后自己慢慢煎到中意食嘅生熟度就可以咖啦。牛小排真系好淋无根好正。本身无调味，自己系自助区拎酱汁就可以，或者可以食原汁原味一样好juicy羊架一份有3支羊架，好大支。羊架送到上枱系至少都有5成熟咖啦，又系自己再加热，好多肉汁咇出嚟，所以可以出去拎餐厅围裙。羊架闻落去好香，食入口唔会有羊臊味。套餐已包括薯条同粟米，啲粟米我地放落沙律一齐食。沙律菜劲新鲜，完全无黄色。重点一杯杯加埋酱汁可以shake嚟食，摇均就食得！好玩又好味。出面食沙律几十蚊一份，呢度任你食！仲有个罗宋汤，入面好多牛牛粒同杂菜