燒味滷師 (安發大廈)

营业中

休息中

烧味卤师系长沙湾一间新开嘅烧味铺，虽然话而家多左人返屋企食饭所以次次行过烧味铺都会见倒有唔少人帮趁，不过烧味卤师就特别旺场，无论系排队落单定等烧味都好多人，无他，因为见佢个价钱真系几抵食。三个师傅喺厨房入面密密斩冇停手。去朋友屋企食饭，冇理由两手空空，所以斩左几款烧味试下。客家盐焗鸡($59) - 几款烧味入面，盐焗鸡就最抵食，$59/只，大大盒，咸味啱啱好，鸡肉唔会太肥或者太鞋，碎骨亦唔多。烧鹅下庄($120) - 烧鹅甘香油润，鹅皮下面连住一层薄薄脂肪，正呀！烧腩仔($64/半斤) - 烧腩仔咸咸香香肥瘦适中，烧肉皮脆得黎唔会太硬。叉烧($50/半斤) - 叉烧颜色偏橙色，卖相虽然冇出面咁靓仔，不过食落都松软，加埋甜甜地嘅叉烧酱都几好食。