sift desserts (皇后大道東) (已結業)

之前住湾仔嘅同事介绍过，话好抵食兼好味！不过好快卖晒，今日趁放假早啲去买！去到间店好简洁，L型玻璃柜整齐地放满西饼，色彩缤纷，好吸引， 前面有三个人，得一个店员，拣下款式兼包装都要耐心等一阵！终于到我时多一个店员返店，速度即刻快好多，我拣6小件拼盘，店员会好细心在纸盒底黏上胶纸以防倾斜！其中6款西饼款有迷你装，好精致，标准同迷你装并肩好有亲子feel!店员攞饼时会戴一对新手套，又纸盒又纸袋，美观卫生但唔系好环保！ 六款西饼：柠檬挞招牌朱古力蛋糕芒果蛋糕杂莓芝士饼杂莓千层脆饼朱古力焦糖挞6款我只吃了一款芒果蛋糕 ，三粒芒果肉好juicy,唔酸，中间蛋糕好松软！唔会过甜，围边有朱古力条，蛋糕慕丝好滑，另外我同肥髀分享了一件杂莓芝士饼，外层白朱古力cream好滑，底下系芝士蛋糕，蛋糕中间系莓酱，酸酸甜甜，口感好丰富！一件迷你版真系唔够喉！应该一个人KO 晒个拼盘先啱！ 肥髀抢到两件，仲有两件比了朋友吃！个个都话好好味！ 两位店员都好有礼貌，又有笑容，唔错！一定会再encore!