影片
更多
2022-02-24
286 浏览
安平烧肉（荃湾店）继一月首推平日无限时吃到饱优惠（由12:00到18:00），今个月又再推出。餐厅提供四款套餐：・原住民盐烧猪肉（$208/39款）・安格斯嫩牛（$258/58款）・SRF极黑牛（$308/75款）・澳洲M5和牛（$358/81款）既然要食，就食最贵𠮶款啦，况且可以坐足六个钟慢慢食。一坐低服务员会送上一个炸物拼盘，有盐酥鸡、炸蕃薯、金沙翠玉苦瓜（好苦）呢啲唔系今日嘅目标，一人一粒快快脆KO佢。另外送咗一碟牛舌芯（好食，爽口弹牙），如果想再食就要额外付费。主要食物就 scan QR code 落单。十分抵赞，无漏单，又上得快。饮品（汽水、罐装饮品、纸包饮品、樽装茶类）就自己出去饮品雪柜拎。另外仲有啲蔬菜（菠萝、茄子、鸡髀菇、翠玉瓜、秋葵、粟米、南瓜）都系自己出去拎。以下系其中试咗，又可以拎出嚟讲吓嘅食物：・澳洲m5和牛，食唔出同美国牛有什么分别・美国SRF极黑牛，食唔出同澳洲和牛有什么分别・安格斯牛小排，肉味比较浓少少（encore之选）・SRF极黑一口牛，叫做试下啦，味道普通・三国牛肩肉，叫做试下啦，肉身比较嚡啲・厚切上选牛腹肉，叫做试下啦，都唔厚切・牛仔骨，大大件，又
餐厅提供四款套餐：
・原住民盐烧猪肉（$208/39款）
・安格斯嫩牛（$258/58款）
・SRF极黑牛（$308/75款）
・澳洲M5和牛（$358/81款）
既然要食，就食最贵𠮶款啦，况且可以坐足六个钟慢慢食。
一坐低服务员会送上一个炸物拼盘，有盐酥鸡、炸蕃薯、金沙翠玉苦瓜（好苦）
呢啲唔系今日嘅目标，一人一粒快快脆KO佢。
另外送咗一碟牛舌芯（好食，爽口弹牙），如果想再食就要额外付费。
主要食物就 scan QR code 落单。十分抵赞，无漏单，又上得快。
饮品（汽水、罐装饮品、纸包饮品、樽装茶类）就自己出去饮品雪柜拎。
另外仲有啲蔬菜（菠萝、茄子、鸡髀菇、翠玉瓜、秋葵、粟米、南瓜）都系自己出去拎。
以下系其中试咗，又可以拎出嚟讲吓嘅食物：
・澳洲m5和牛，食唔出同美国牛有什么分别
・美国SRF极黑牛，食唔出同澳洲和牛有什么分别
・安格斯牛小排，肉味比较浓少少（encore之选）
・SRF极黑一口牛，叫做试下啦，味道普通
・三国牛肩肉，叫做试下啦，肉身比较嚡啲
・厚切上选牛腹肉，叫做试下啦，都唔厚切
・牛仔骨，大大件，又厚切，腌咗未，味道唔错（encore之选）
・牛肋条，厚身，有咬口，腌咗未，味道唔错（半encore之选）
・金钱肚，厚身，弹牙爽口
・山椒牛柳丁，叫做试下啦，山椒味都几重手
・黑椒洋葱牛舌，唔韧又无筋，因为黑椒洋葱分开上，可以自己调教味道（encore之选）
・盐烧牛舌，叫咗2次都好咸
・原住民盐烧猪，咸味适中，肉质弹牙有咬口，如果再厚啲更好
・起司鹌鹑蛋，用锡纸兜装住两只生鹌鹑蛋，同一堆芝士，烤完之后似食紧焗蛋，味道普通
・台湾小枕头（麻糬），未烤前扁挞挞，烤完胀卜卜（真系成个小枕头咁样），烤嘅过程睇住佢慢慢胀，十分自愈，但完全冇味嘅，要点跟嚟嘅炼奶一齐食
・虎虾，劲大只，厚身，弹牙，有啲仲有虎膏添（encore之选）
・帆立贝，附有一片小牛油，带子肉都大粒，但冇乜味，临食前要自己添加少少豉油吊吊味（半encore之选）
・中卷，即系鱿鱼，有时俾翼，有时俾筒，有时俾须，整体嚟讲都好味嘅（半encore之选）
・青口，已经加咗少少酱汁，味道普通
・多春鱼，慢慢烤，烤到成条干身，成条连头连骨食（平时限时的确，一定唔会叫）
・烧鱼腹，用过锡纸兜装住，腌嘅味道其实可以，但系旧鱼就比较淋身，口感差啲
・台湾鲷鱼下巴，好想试但，但无货，点唔到
・卤水凉伴鸭舌，味道不错，好啱一路吹水一路食（encore之选）
・烤猪肉干，轻轻烤下两边，甜甜哋，淋淋哋，但又有口感，最啱一路吹水慢慢嗒
（encore之选）
・烤鸡泡鱼干，呢款如果唔烤一烤，系跟本韧到食唔到，烤完之后就变软身，但都系猪肉干好味啲
・阿里山柠檬红茶，除咗饮品雪柜啲嘢，呢款柠檬红茶都几好饮
最后有甜品一客，4款Häagen-Dazs雪糕+柠檬爱玉任选一款。
炸物拼盘
19 浏览
0 赞好
0 留言
牛舌芯
22 浏览
0 赞好
0 留言
烤鸡泡鱼干
9 浏览
0 赞好
0 留言
卤水凉伴鸭舌
4 浏览
0 赞好
0 留言
题外话/补充资料：
服务员隔一排会主动问要唔要换烧烤网
(以上食记乃用户个人意见 , 并不代表OpenRice之观点。)
张贴
