大澳德發 (已結業)

帮衬左佢个大闸鞋放题，餐厅环境算阔落，枱面放上的餐牌有特色，BNO为餐牌封面。餐厅的有主题，楼梯系个打卡位。放题包两个小菜，6点入座即刻落单，但净系上左刺身，迟过我到嘅其气台都上晒热食，我地催左2次单都无，结果到6:30仍然未有主菜同蟹，仲要半个钟后先同我地讲无酸菜鱼，最后叫左香煎莲藕饼同黄酒煮鸡，但黄酒索鸡淡而无味，鸡肉好嚡，唔建议。主角大闸蟹放题，餐牌写住有蚬，蒜蓉蚝，小笼包。一样又系入座个阵唔讲，隔成20分钟，中间催单都话"有有有"，我地都见住其他人keep 住出卜卜蚬，转头突然又同我地讲无晒蚬。等咗半个小时，终于上大闸蟹，点知原来要自己系台蒸，6点入座，差唔多7点先食到蟹，体验都几差。庆幸系D 蟹都正路，虽然细只但算好食嘅，痷仔蟹都多膏鲜甜。蒜蓉蚝肥大鲜味。但小笼包就普通同皮厚。总括嚟讲呢间餐厅，呢个价钱有蟹蚬蚝鲍鱼系几吸引，但不会是首选，因为配套差，D生海鲜放我地台自己蒸，但又唔够铗，无生熟分离，变左我每次放完海鲜落炉都要去洗手。