影片
更多
2016-02-11
6483 浏览
2月1号落雨又冻冰冰，所以同朋友决定食韩烧午市放题。荃湾韩烧都有唔少选择，多数都系腌料好多，食完劲口渴嘅韩烧。BBQ Military嘅传单就接唔少喇，不过一直都未有机会去试，所以决定上去睇吓。上到去见到餐牌写时段12点至3点每人$88韩烧放题 (另再加10%服务费)，心谂：88蚊3个钟有冇咁荀呀？所以就问吓职员系食几耐，原来只系食1个钟 老老实实，相对同业90分钟，1个钟就真系显得有啲少。味道肉质同味道系目前为止食过嘅韩烧放题中最高，食材算系新鲜。朋友话牛舌好食，而我觉得佢牛肉同鸡肉类嘅食物系好食嘅；猪肉类就麻麻哋。另外佢每枱都送碟泡菜，未去过韩国唔知真正嘅泡菜系咩味，不过喺香港食过嘅泡菜嚟比较，依间泡菜都唔差。环境布置几有特色，有韩国明星ＭＶ同海报，店员着迷彩军服配搭返"Military"。每个炉上都有个独立嘅抽风机，食完冇油烟味(亦有可能系得两枱客人食 所以冇油烟味)。 坐位系圆櫈仔，冇得"哎"住，坐得耐唔舒服。个炉就细咗少少，３个人食勉强可以。而且张枱都几细，摆多几碟野就冇位。间铺系用gas炉，初初烧𠮶时个火唔系好猛，烧烧吓熄埋火，换咗个新gas就好猛火，烧得好爽。服务平时食放
上到去见到餐牌写时段12点至3点每人$88韩烧放题 (另再加10%服务费)，心谂：88蚊3个钟有冇咁荀呀？所以就问吓职员系食几耐，原来只系食1个钟
老老实实，相对同业90分钟，1个钟就真系显得有啲少。
味道
肉质同味道系目前为止食过嘅韩烧放题中最高，食材算系新鲜。朋友话牛舌好食，而我觉得佢牛肉同鸡肉类嘅食物系好食嘅；猪肉类就麻麻哋。
另外佢每枱都送碟泡菜，未去过韩国唔知真正嘅泡菜系咩味，不过喺香港食过嘅泡菜嚟比较，依间泡菜都唔差。
环境
布置几有特色，有韩国明星ＭＶ同海报，店员着迷彩军服配搭返"Military"。每个炉上都有个独立嘅抽风机，食完冇油烟味(亦有可能系得两枱客人食 所以冇油烟味)。
坐位系圆櫈仔，冇得"哎"住，坐得耐唔舒服。
个炉就细咗少少，３个人食勉强可以。而且张枱都几细，摆多几碟野就冇位。
间铺系用gas炉，初初烧𠮶时个火唔系好猛，烧烧吓熄埋火，换咗个新gas就好猛火，烧得好爽。
服务
平时食放题会有服务员讲解落单程序同注意嘅地方，但依度带完你入座就走咗去。
点餐纸都研究咗一阵，因为第一次食，唔知放题同午市套餐系边张打边打。最后要问佢先知道，原来分烧肉同打边炉，有价钱嘅就比钱，冇就系88蚊任食包嘅 。
摆放食物时唔会粗粗鲁鲁，而且会主动收用完嘅碟。
到最后食完，虽然枱面食物已经食哂，个炉都冇野烧，但个服务员一野就熄咗个火，我觉得循例问下或者讲佢会熄炉先再熄，感觉会好好多。
卫生
地下好干净，亦冇发现有小昆虫飞嚟飞去。 不过啲生菜睇落唔系咁新鲜...
总结
以８８蚊嚟依个质素完全抵食，但得１个钟食得有啲急，不过都饱。
张贴