曉峰閣 (已結業)

究竟埃及菜有咩特别，食完都未搞清楚，只系记住好食。午餐中，最惹味系牛肉焗杂菜配埃及饭，虽然佢卖相丑，碟肉黑过墨汁，不过入口够晒焾，配埋少少辛辣，好送饭。食到牛肉有膻味，饭友就话冇。唔食牛，可以食松露酱炒鸡配即制包，简单嚟讲就系鸡肉 Kebab。份量大，一个女生食唔晒（唔可以两个人只叫一个餐）。鸡肉够 juicy，菜爽口，酱汁唔油腻，块皮厚薄适中，趁热食一流。厨师将 Kebab 切开上碟，方便进食，够细心。相比下，香酥鱼块冇咁多花巧，普普通通咁啦，不过都胜过咖喱鸡饭同鸡肉千层面。素食者之选小小食拼盘，最难忘系茄子蓉，香味有别于平时食炒茄子或燘茄子，斋食呢碗茄子蓉都唔错架。芝士蔬菜薄饼系薄批底，简简单用咗车厘茄、番椒、磨菇、西兰花、橄榄同 mozzarella，烘㶶咗少少，无损美味。跟餐甜品苹果批唔太甜，同够热、浓香的中东奶茶好夹。呢个午餐一小时，认真快活过神仙。舖头细，遇上爆场，要耐心等枱，入座后亦坐得好迫，加上煮食需时，必须有心理准备。店员服务有耐性又有礼，赞！