牛涮鍋 (已結業)

一行四人去牛涮锅去挑战下极速火锅放题，我地选左最平个只放题，每人$62有100g既肉类选择(牛肉，猪肉，鸡腿肉)，而菜类同丸系任食。一踏入餐厅就开始计时四个人一张枱一个锅共用，首先要选汤底先，我地就选左鸳鸯汤底，猪骨汤及蕃茄浓汤，但要加$5。我地点左两份牛肉，一份猪肉，一份鸡腿肉，因为朋友有汇丰咭，所以每份肉都由100g免费加至150g，牛肉同猪肉切到好薄，所以好快就熟，猪肉唔韧，而鸡腿肉都好嫩好食！朋友话牛肉都唔错！丸类就有芝士丸，龙虾丸，菠菜丸，狮子狗同芝士肠，芝士丸最好食，不过食多几粒好快漏。菜类有生菜，金茹，翠玉瓜，粟米，芋丝，洋葱等等。仲有乌冬同面供应。野饮就有汽水同沟出黎既果汁选择！其实60分钟真系几赶，最后唯有一次过放埋d丸同菜去滚当然雪糕唔可以放过，雪糕系软雪糕再加饼碎，米通，同糖上面，不过就好快会溶要快食！服务员真系好准时一个钟就叫我地埋单，朋友有牛涮锅咭所以唔使加一，埋完单仲可以坐多一阵，可能无咩人等位啦！