陳儀興牛什粉麵 (鴻祥大廈)

营业中

休息中

今日去咗旺角陈仪兴牛什粉面食佢哋最出名嘅崩沙腩同沙瓜，崩沙腩系招牌食品好食就唔需要再多讲，沙瓜少啲地方有得食，问个店员，佢话其实系牛嘅第四个胃，口感软滑而又好有咬口。我哋一入门口就叫咗个沙瓜餐客饭配套餐，包括一碟芥兰，同冻奶茶。我哋再叫咗净食崩沙腩。沙瓜真系好爽好滑，个牛腩汁都好鲜甜，配埋一齐食啱啱好，沙瓜底仲有啲生菜垫底，吸晒啲汁，一齐食就一流。崩沙腩入口即溶，好鲜好有牛味，就咁净食大大份，啖啖肉，唔使悭住悭住食好爽😄再加碟芥兰就一流，杯冻奶茶都唔会太甜，冰量都唔会好多，咁样点一个晚餐就好够喇，叫净食好过叫两个套餐，可以一次过大大碟咁样食，过足瘾。另外再点「我要晒」炸物，墨鱼条爽甜，炸云吞有原只虾，样样都好食。饭餐的饭量足两个人分。