616牛肉火鍋專門店 (星峰薈) (已結業)

616牛肉火锅专门店 (将军澳)将军澳唐徳街3号星峰荟7楼702号舖今日去左将军澳区探个朋友，一问之下原来大家都系牛肉爱好者，佢重带左我去呢间餐厅，朋友非常推介入面既火锅，由于我地入场既时间尚早，餐厅重有位置，职员安排左个坐位比我地之后，我同朋友二话不说地即刻拣汤底同「混酱」。估唔到呢间餐厅同一般火锅店既酱料款式多好多。鸳鸯沙牛汤底 听讲呢种汤底系好热门，估唔到牛骨汤既味道非常清甜，锅入面重配上萝卜同牛腩，另一方面，我地就选择咗沙嗲汤底，味道非常浓郁同埋好香沙嗲味。特选和牛盛呢个特选和牛盛果然唔简单，包括左赤身，牛肩胛同牛腹肉，三款牛果然轻轻渌一渌已经达到入口即溶既效果，基本上唔洗沾酱已经食到好香浓既牛味。滑尾龙餐厅有教学教我地应该点食，果然好细心，滑尾龙系配上生蛋，视觉上非常加分，渌完之后重会保持滑口，正到爆。牛驼峰呢款牛肉我从来都无听过呢个名，但估唔到咁好食，肥瘦熟中，肉质比其他牛韧，食起来既时候非常有口感。炸鱼皮份量比想像中多，没有一点油腻的感觉，加埋个沙嗲汤底轻轻渌一渌，简直绝配啊！特选虾滑卖相不但吸引，食落去爽口又弹牙，感觉亦都好重虾味。一份虾滑已经可以分成5-6旧，好抵食啊