影片
更多
2017-11-26
139 浏览
注: 今日打得有啲长，快速版可以睇图有简单文字介绍.今日dum低左老婆, 约左同事去食全牛宴, 呢间616火锅出名食各种刁钻嘅牛部份我呢位同事都好钟意食牛, 佢话食过封门柳, 我就真系未听过...今晚拣肉都系靠晒佢.一入到去, 间铺个样系少少怀旧茶记feel, 都几光猛坐位除左几张卡枱, 都系一d 长方形枱, 唔似一般边炉多数用圆枱.我地7点就到左, 人未多, 可以坐到卡位, 正！一坐低就见到部ipad, 原来呢度系电子自助下单.打开第一版就系拣汤底佢薄切牛肉类分左两版: 616推介系列 , 同616罕有系列。其实...唔好讲罕有系列, 推介𠮶版我都无一种听过...😑.非切片肉类嘅, 有牛滑, 牛肉饺, 慢煮牛腩, 牛骨髓, 牛丸, 牛心锭... 太多不能尽录😳.蔬菜𠮶版都有十几种, 最特别见到有羽衣甘蓝。.最得意系佢有版凉品, 分别系冰麻牛, 同金菊玉冰冻可惜冰麻牛今晚无货无得嗌😭.间铺枱面张垫枱纸有介绍各种刁钻牛系牛边个位, 烚几多秒, 重有推介食法.好, 就最后决定叫以下呢d.汤底:红油麻子汤底.推介牛:牛朴肉 牛驼峰.罕有牛:吊龙伴 双层肉.非切片肉类:放弃😂无叫到，因为唔够特
注: 今日打得有啲长，快速版可以睇图有简单文字介绍.
今日dum低左老婆, 约左同事去食全牛宴, 呢间616火锅出名食各种刁钻嘅牛部份
我呢位同事都好钟意食牛, 佢话食过封门柳, 我就真系未听过...
今晚拣肉都系靠晒佢
.
一入到去, 间铺个样系少少怀旧茶记feel, 都几光猛
坐位除左几张卡枱, 都系一d 长方形枱, 唔似一般边炉多数用圆枱
.
我地7点就到左, 人未多, 可以坐到卡位, 正！
一坐低就见到部ipad, 原来呢度系电子自助下单
.
打开第一版就系拣汤底
佢薄切牛肉类分左两版: 616推介系列 , 同616罕有系列。其实...唔好讲罕有系列, 推介𠮶版我都无一种听过...😑
.
非切片肉类嘅, 有牛滑, 牛肉饺, 慢煮牛腩, 牛骨髓, 牛丸, 牛心锭... 太多不能尽录😳
.
蔬菜𠮶版都有十几种, 最特别见到有羽衣甘蓝。
.
最得意系佢有版凉品, 分别系冰麻牛, 同金菊玉冰冻
可惜冰麻牛今晚无货无得嗌😭
.
间铺枱面张垫枱纸有介绍各种刁钻牛系牛边个位, 烚几多秒, 重有推介食法
.
好, 就最后决定叫以下呢d
.
汤底:
红油麻子汤底
.
推介牛:
牛朴肉 牛驼峰
.
罕有牛:
吊龙伴 双层肉
.
非切片肉类:
放弃😂无叫到，因为唔够特别
.
蔬菜:
油麦菜
.
饮品:
豆浆X2
.
一落完单佢第一样野黎嘅系汤底, 第二样黎嘅居然系一个漏斗⏳
原来个漏斗系用黎计佢20分钟内可唔可以送晒第一轮点嘅食物黎
出唔切嘅会免费送畀食客, 不过佢地上菜都几快，所以免费这些机会不是我的。
第三样送上嘅一样唔系肉... 而系送嘅哈密瓜，可以做餐前果😂
.
等紧肉黎嘅时候就可以自己去混酱料
佢酱料都有分普通野同特别野
普通嘅葱蒜辣椒香草啦, 特别嘅有陈醋, 柑桔, 沙茶酱, 同秘制牛肉汁㊙
再去洗个手, d肉就黎晒啦, 可以食啦!!!
.
🔹 红油麻子汤底 $58
颜色好鲜艳, 够晒红, 入面重送左一堆豆卜, 要留返最后同菜一齐食
可能烚牛只需要几秒, 挂唔到太多汁，唔太食到辣, 决定连汤食，都几麻辣feel🌶
.
🔹 牛朴肉 $48
[牛脖颈上锻练最频繁的活肉, 传说唔系只只牛有]
呢个系见openrice 多人推介先叫
脂肪比例明显较多, 有少少筋位, 但今次系好食𠮶种, 好爽脆!
个感觉几似香港人钟意食嘅肥牛嘅爽脆版，但牛味唔算最重
.
🔹 牛驼峰$48
[牛朴肉后端的颈背间肉, 大约就系水牛驼峰嘅位置]
见垫枱纸推介, 同个部位几特别, 就叫黎试下
肉身好淋, 但牛肉味唔算重, 筋位要啲时间先咬得断
.
🔹 吊龙伴 $68
[腰脊肉的两个侧边, 带点肥肉的牛脊肉条]
哇, 呢个不得了, 牛味好出, 脂肪比例均匀, 入口重有少少溶化感...omg
呢个真系食到停唔到口😍😍😍
.
🔹 双层肉 $68
[牛腹夹层肉]
呢个系同事介绍, 佢话食过
见到差唔多有半旧系白色, 我重以为会好肥
点知食落去一d 都唔肥腻, 脂肪中间会慢慢有d 牛味透出黎, 好香
而且口感居然系偏爽的
.
食完呢4种肉之后, 我地得出一个答案: 罕有肉牛味重d
于是我地再追加拣左两种罕有肉: 脖仁, 牛腩心
结果...牛腩心无货😯, 我地就懒得再拣了
.
🔹 脖仁 $68
[牛颈的核心部分]
呢个简单黎讲就系吊龙伴加多d 脂肪嘅感觉
好淋身, 牛味有得黎, 偏向甜身👍🏻
.
🔹 调味料 $10
调味料
$10
9 浏览
0 赞好
0 留言
讲完晒d 牛, 不得不说佢个秘制牛肉汁真系好好食🤤
好似烧汁咁甜甜地, 将牛嘅味道完美升华
同事直头话想买一支返去(如果可以的话)
钟意加芫茜,蒜, 葱都无问题, 但豉油真系可以唔使装啦🙅🏻♂牛已经好够味
.
🔹 油麦菜 $28
油麦菜
$28
20 浏览
0 赞好
0 留言
佢用一个小型米缸黎装, 个样几得意
食完晒d 肉, 终于可以食菜同d 豆卜
我好后悔睇少左个汤底
妈...好辣呀🌶🌶🌶... 条菜完美将所有精华吸晒...我投降啦...
好在佢送左一碟哈密瓜, 我地食住咁叫埋个甜品
.
🔹 金菊玉冰冻 $18
金菊玉冰冻
$18
8 浏览
0 赞好
0 留言
同同事一人叫左一个
好甜, 劲解辣, 味道有少少似有菊花味嘅大菜糕
但口感则似雪蛤膏, 几好食😋
.
🔹 豆浆 $9
最后讲讲杯豆浆, 价格相宜之外, 味道亦唔错
有豆味, 又唔会太甜, 几好
.
最后埋单都系$460, 就可以食咁多刁钻野, 真系相当唔错
张贴
