影片
更多
2020-10-29
1394 浏览
【疯癫试食】｜6️⃣1️⃣6️⃣ • 渌一渌 几时都话打边炉系我既最爱 晚市堂食开番 我同林小姐相隔个几月终于可以一齐系街食番晚餐 而今晚就拣左好耐无做过既 — 打边炉 ❤️尼间616牛肉火锅专门店系八月份左右终于登陆左马鞍山 咁我当然提前就打电话留定位 方便去到可以即刻食话明系牛肉专门店 黎到当然要疯狂咁试牛啦 尼到有好多唔同部位既牛肉可以食到 例如一啲比较少有既部位都有 — 黄喉！仲要牛肉碟碟都系$48/$68 份量适中 令你可以试多啲唔同款式既牛肉🤩个晚我地叫左几款唔同既牛 滑尾龙、牛坑爪 仲有一款系叫朱古力和牛 真系第一次听 林小姐见到非常雀跃话要叫黎试 咁就一于试下咩料 尼只牛肉系加入左朱古力同埋软糖作为饲料 会令到肉味升华多一层 个油花分布同油脂比其他肉质更好 食落口一刻原本以为会有啲朱古力味渗透出黎 结果系无既😂但肉质就真系非常唔错 个油脂分泌真系无得顶👍🏻系尼到食牛肉就真系唔错 但其他配料方面就可能要改善下 我地净系叫左两款配料 一碟系炸鱼皮 一碟系炸响铃 两碟野我未放入煲渌既时候已经Feel到出事 完全系唔脆嫁 两碟野都系淋哂 完全系不能接受既程度！另外员工接待方面都需要改善下 拎
几时都话打边炉系我既最爱 晚市堂食开番 我同林小姐相隔个几月终于可以一齐系街食番晚餐 而今晚就拣左好耐无做过既 — 打边炉 ❤️
尼间616牛肉火锅专门店系八月份左右终于登陆左马鞍山 咁我当然提前就打电话留定位 方便去到可以即刻食
话明系牛肉专门店 黎到当然要疯狂咁试牛啦 尼到有好多唔同部位既牛肉可以食到 例如一啲比较少有既部位都有 — 黄喉！仲要牛肉碟碟都系$48/$68 份量适中 令你可以试多啲唔同款式既牛肉🤩
个晚我地叫左几款唔同既牛 滑尾龙、牛坑爪 仲有一款系叫朱古力和牛 真系第一次听 林小姐见到非常雀跃话要叫黎试 咁就一于试下咩料 尼只牛肉系加入左朱古力同埋软糖作为饲料 会令到肉味升华多一层 个油花分布同油脂比其他肉质更好 食落口一刻原本以为会有啲朱古力味渗透出黎 结果系无既😂但肉质就真系非常唔错 个油脂分泌真系无得顶👍🏻
系尼到食牛肉就真系唔错 但其他配料方面就可能要改善下 我地净系叫左两款配料 一碟系炸鱼皮 一碟系炸响铃 两碟野我未放入煲渌既时候已经Feel到出事 完全系唔脆嫁 两碟野都系淋哂 完全系不能接受既程度！
另外员工接待方面都需要改善下 拎位时有一段小插曲 话说我一早就已经打电话去留左位 当日就准时到达餐厅但员工话我无订到位 无纪录 叫我系门口等 你无记录唔紧要 我电话有哂通话记录 佢地完全无讲过一句「唔好意思」咁既说话 好似系个客既错咁款 个下就真系嬲嬲地!
张贴
