agnès b. Café LPG

营业中

休息中

agnès b café开左一段时间，最初开嘅时候被狂洗版，又成日见到媒体介绍，当时话想食想食，一直未试到，收工太夜，兜过黎都已经卖哂。 食到而家终于食到，仲要系因为有雪糕券先换领的，储埋啲分冇咩啱换嘅野，见有呢间，就换左几张试下。朗豪坊店系甜品cafe，除左雪糕筒、杯装雪糕，设堂食其他甜品，例如蛋糕、松饼、心太软、饮品等， 好耐之前曾经食过佢地嘅朱古力，其后莫讲话雪糕，连买饮品我都未必会谂起呢度。Mystery Black软雪糕 $50冇标明口味嘅神秘黑色雪糕，配上同样系黑色嘅竹碳雪糕筒，但由于新开张时睇过无数洗版报导，已经冇乜神秘感。事实上系竹碳玫瑰花茶口味，所以雪糕黑黑的。唔讲真系食唔出系玫瑰味，大抵只会觉得系花嘅味道。雪糕质地沙沙的，比较轻盈不腻口，阵味唔难顶，但一次便够。64% 特选朱古力软雪糕 $50朱古力味反而几好食，味道纯厚，唔会太甜。雪糕容易塌、溶得快，口感比起黑色𠮶款来得厚滑。雪糕筒用上竹碳筒，个样睇落型啲，其实冇乜味，胜在几脆口，亦都平衡到雪糕嘅甜度。