影片
更多
2016-06-17
857 浏览
仲记唔记得90年代有个电视节目叫六六无穷呢? 仲记唔记得讲咩呢?六六无穷就听过啦，咁陆陆鸡煲又试过未呢? 其实呢间餐厅早前系杂志讲过如果身份证号码或者名有个陆/6字，黎光顾就有优惠，所以先对呢间餐厅有D印象。今个星期日系父亲节，为左废事正日同人逼，我地决定提早系平日庆祝，因为爸爸钟意食鸡煲既关系，所以都拣左黎陆陆鸡煲火锅煲到食。陆陆鸡煲火锅为于旺角白布街，地铁站行过去只系5分钟左右，我地六点几就到，好彩都未系好多人，仲未要等位。坐低左之后，店员就俾前菜我地，有车厘茄同埋螺肉，点解食鸡煲会配呢D前菜既呢? 真系有点儿唔明白。坐低后同开始点菜啦。鸡煲有分大同埋例牌2个SIZE，我地一行4人，比较上细食，所以叫左个例牌算啦。系谂紧要咩辣度既时候，店员就过黎问我地平时多唔多食辣，我地话间唔中，佢地就提议试个小辣啦。点菜系好似酒楼咁用类似点心纸既形式咁划，食物既选择都好多，有D仲几特别。无几耐，鸡煲就黎到啦，煲咗一阵之后侍应就过来帮手搅拌一下，仲提醒我地小心烫到手。鸡肉靓就几靓，不过都几多骨，食落有D攰，辣度方面，一D都唔辣，只系有麻既感觉，下次可以试下中辣。D 鸡食到7788时，店员就帮我地加
六六无穷就听过啦，咁陆陆鸡煲又试过未呢? 其实呢间餐厅早前系杂志讲过如果身份证号码或者名有个陆/6字，黎光顾就有优惠，所以先对呢间餐厅有D印象。
今个星期日系父亲节，为左废事正日同人逼，我地决定提早系平日庆祝，因为爸爸钟意食鸡煲既关系，所以都拣左黎陆陆鸡煲火锅煲到食。
陆陆鸡煲火锅为于旺角白布街，地铁站行过去只系5分钟左右，我地六点几就到，好彩都未系好多人，仲未要等位。
坐低左之后，店员就俾前菜我地，有车厘茄同埋螺肉，点解食鸡煲会配呢D前菜既呢? 真系有点儿唔明白。
坐低后同开始点菜啦。鸡煲有分大同埋例牌2个SIZE，我地一行4人，比较上细食，所以叫左个例牌算啦。系谂紧要咩辣度既时候，店员就过黎问我地平时多唔多食辣，我地话间唔中，佢地就提议试个小辣啦。
点菜系好似酒楼咁用类似点心纸既形式咁划，食物既选择都好多，有D仲几特别。
无几耐，鸡煲就黎到啦，煲咗一阵之后侍应就过来帮手搅拌一下，仲提醒我地小心烫到手。鸡肉靓就几靓，不过都几多骨，食落有D攰，辣度方面，一D都唔辣，只系有麻既感觉，下次可以试下中辣。
D 鸡食到7788时，店员就帮我地加汤，我地可以拣清汤同辣汤，无辣不欢既我地当然拣辣汤啦，汤底慢慢滚下滚下，我地就可以开始加配料啦。
呢到既响铃系自家制既，唔油之余仲浸10秒就食得，吸收左辣汤底既味道后，真系几好味。
四宝饺既四宝分别系云吞，水饺， 白菜猪肉同埋鱼皮饺。 皮薄之余馅料仲几丰富，浸完系辣汤底后食真系好好味。至于日式叉烧，平时用黎送拉面就多啦，今次浸住系辣汤到食，真系好过瘾，值得提既系D叉烧烚完后仲保留到日式风味。
百花酿油条: 油条脆卜卜，酿入左豆腐，呢个食法都系第一次，真系够晒创意，同响铃一样都系浸一浸汤就食得，味道好特别。
日式玉子烧: 玉子烧食落好香滑，不过浸系辣汤到食好似唔系太夹，如果配清汤可能会好D。
老人家钟意食菜，所以菜系必叫既。陆陆鲜菜篮,，有生菜，油麦菜，粟米，金菇等等，非常丰富, 蔬菜系最容易吸收辣味，浸过辣汤既菜，真系食到好过瘾。
初初食鸡煲时真系只觉有微麻味，但系食落好似越来越麻咁，真系想知点解，不过就一D都唔辣，钟意食辣而又食得辣既朋友真系可以第一次黎时已经挑战佢个中辣啦。
张贴
