喇沙王 (已結業)

叫uber外卖，见到呢间啲相几吸引，于是就叫了个新加波喇沙。优惠期内送柠檬茶。来到，喇沙只有3块干而无味既鸡肉，一只半「梅」既虾（唔系大虾，𠮶半只系断咗咁系汤度浮下浮下），3块薄薄既鱼片头同两旧豆卜。芽菜应该有5条左右。喺menu度提及𠮶啲薄荷呀，叁巴辣椒呀等等嘅香料一律欠奉。啲粉唔系喇沙河粉，系金边粉，幼身𠮶种。个汤除咗红色辣油，实在唔知有咩喇沙味。咦，说好的柠茶，无柠檬嘅？我以为系雀巢𠮶啲柠茶，点知饮落都系无味，只系冰茶一杯。其实我都明白店家揾食艰难，68蚊以中环价唔系贵，但系啲食物同饮品同menu形容相差太远，明明做唔到嘅嘢，就唔好系menu写出来，咁样同违反商品说明条例无乜分别。