影片
更多
2023-08-18
203 浏览
近日朋友推介呢间几出名的火锅店有个佛跳墙火锅，身为边炉怪嘅我听到之后，即刻lunchtime就要去试下，反正happy friday，无所谓啦～好欣赏餐厅都做埋午市，$68就可以试到「靓料靓汤一人火锅面餐」，简单啲讲就系火锅set，拣汤、拣火锅料、拣粉面、拣饮品，再视乎客人胃口自行选择追加配料。套餐有成十零款，分别主打牛肉、猪肉、海鲜等等，好几个都几特别，好想试呀！面食选择亦多，除咗常见的乌冬、一丁、米粉、拉面等，仲有银针粉、菠菜粗面、番茄粗面，我就选择身为芫茜党人必点的浓香芫茜面！朋友拣咗「手切牛魔王」套餐，睇落啲牛颈脊都好吸引！我选择咗「足料佛跳墙」餐，配料包括有鲍鱼、花胶、螺片、冬菇、素翅、火腿、鸡髀、生菜，果然系佛跳墙常见的配料！炸鱼皮──前菜/火锅配料，口感正常。鲍鱼、螺片、花胶虽然不算好特别，但用嚟打边炉都会有啲小兴奋，质素仲几好添！素翅分量比想像中多，而且带有微微的弹牙口感。一开始煮芫茜面，身边的朋友就不断话芫茜味好浓烈，但可惜，作为芫茜党人的我则觉得不算好浓「茜」味。至于味道，其实都食到有啲茜味嘅，不过可以再浓啲啲。建议芫茜党人可选择芫茜汤底 + 芫茜面，应该「茜」味会
好欣赏餐厅都做埋午市，$68就可以试到「靓料靓汤一人火锅面餐」，简单啲讲就系火锅set，拣汤、拣火锅料、拣粉面、拣饮品，再视乎客人胃口自行选择追加配料。套餐有成十零款，分别主打牛肉、猪肉、海鲜等等，好几个都几特别，好想试呀！
面食选择亦多，除咗常见的乌冬、一丁、米粉、拉面等，仲有银针粉、菠菜粗面、番茄粗面，我就选择身为芫茜党人必点的浓香芫茜面！
朋友拣咗「手切牛魔王」套餐，睇落啲牛颈脊都好吸引！
我选择咗「足料佛跳墙」餐，配料包括有鲍鱼、花胶、螺片、冬菇、素翅、火腿、鸡髀、生菜，果然系佛跳墙常见的配料！
炸鱼皮──前菜/火锅配料，口感正常。
鲍鱼、螺片、花胶虽然不算好特别，但用嚟打边炉都会有啲小兴奋，质素仲几好添！
素翅分量比想像中多，而且带有微微的弹牙口感。
一开始煮芫茜面，身边的朋友就不断话芫茜味好浓烈，但可惜，作为芫茜党人的我则觉得不算好浓「茜」味。至于味道，其实都食到有啲茜味嘅，不过可以再浓啲啲。建议芫茜党人可选择芫茜汤底 + 芫茜面，应该「茜」味会再浓啲！
原本以为「佛跳墙」的汤底会系比较滋补、少少药膳感的养生汤水，但上枱后见到个汤底，感觉似系普通的豚骨汤咁，试饮一啖亦觉偏淡，点知经过各款佛跳墙配料加持之后，汤底就变得香浓，连同面条一齐食，好正，绝对值得一试！
张贴
