辦館 (已結業)

情人假后回港因工作实在繁忙，闲日都只能抽空于欢乐时光短聚，周三晚碰巧其公司喺铜锣湾区搞活动，所以就去咗学长曾经介绍过o既「办馆」度，揾清仔饮番几轮。楼底高高、间隔通爽o既酒吧餐厅先以可爱o既清嫲接待，感觉极之亲切。店内店外o既大小清仔都手持著两碗面，细问下先知原来一边系拉面、另一边系公仔面。话明系酒吧餐厅㖞，当然系唔少得高櫈吧位啦！埋位后，两口子先应哥哥仔推介要咗两杯招牌鸡尾酒。酒品跟随电子杯垫上，喺餐桌上闪出不同彩灯，很是吸睛。YNOT（$98）：小肥所点o既YNOT以毡酒调出，因内含蜜糖及橙皮碎，故饮落清新得黎好润喉，爱滋补o既朋友不坊一试。饮完靓酒先发觉杯中o既冰块原来呈完整o既球状，明显制作非常认真。坐下不久，甜心儿就接到消息话当晚o既活动将延迟举行，嘻嘻，眼见店子七点前o既欢乐时光优惠为$7第二杯、$6第三杯、$5第四杯㖞，咁咪等于$18有成三杯，既然可以坐耐啲，咁就要好好享受咁经济o既优惠啦！结果由价低者青岛樽装啤酒胜出，哗哈哈，一饮就要饮够四轮！是日小食之炸烧卖（另加 $20）：凡惠顾欢乐酒品即可另加$20要一客是日小食。蒸烧卖同叮烧卖就食得多，XO仔都系第一次食炸烧卖。