影片
更多
2022-06-15
605 浏览
【7折超值！父亲节饭首选💛】推荐程度：●●●◐○抵食程度：●●●●◐——— 同爸爸提早庆祝父亲节，拣咗食中菜，所以嚟到逸东轩食。食物选择多，水准高，用材上盛；店员好贴心亦照顾周到；环境宽敞舒适，适合家庭聚餐👍🏻 埋单先发现全单7折，有优惠做紧，超抵食(下列价钱为正价⚡️)🐔 脆皮片皮鸡（2食）｜$628成日片皮鸭，未食过鸡，于是一战。够特别，少见，亦好考功夫👍🏻 鸡缺少阵香膻味，但食落冇咁油腻饱济，包埋大葱同酱汁完全唔腻。不过个人都系钟意嘅片皮鸭多啲✨2食跟咗鸡崧炒饭，饭粒粒分明，够晒镬气，唔算好油，但都冇咩特别。量多，鸡肉粒都肉眼可见，但入口唔太食到鸡肉/鸡油香，不过不失～🌟 鲍汁花胶扣鹅掌｜$360/位完全冇失望，食到lam lam脷！鹅掌超级腍身，入晒味，啖啖滋味🤍 花胶胶质重、厚身，但亦好腍好入味，大赞✨🐷 脆皮乳猪琵琶豆腐｜398两者放埋一齐有啲唔关系，两样都好好食✨ 乳猪皮够香乳，带油脂，唔缺肉感，半脂半肉刚刚好👍🏻 琵琶豆腐内有香茜同鱼肉，食落多层次好丰富🤍 豆腐质感唔系烂蓉蓉，唔系老少平安𠮶种，保持到豆腐嘅口感，厨艺真系好劲✨🐷 凤梨咕噜肉｜$280食得出系新鲜菠萝，唔系
推荐程度：●●●◐○
抵食程度：●●●●◐
———
同爸爸提早庆祝父亲节，拣咗食中菜，所以嚟到逸东轩食。食物选择多，水准高，用材上盛；店员好贴心亦照顾周到；环境宽敞舒适，适合家庭聚餐👍🏻 埋单先发现全单7折，有优惠做紧，超抵食(下列价钱为正价⚡️)
🐔 脆皮片皮鸡（2食）｜$628成日片皮鸭，未食过鸡，于是一战。够特别，少见，亦好考功夫👍🏻 鸡缺少阵香膻味，但食落冇咁油腻饱济，包埋大葱同酱汁完全唔腻。不过个人都系钟意嘅片皮鸭多啲✨2食跟咗鸡崧炒饭，饭粒粒分明，够晒镬气，唔算好油，但都冇咩特别。量多，鸡肉粒都肉眼可见，但入口唔太食到鸡肉/鸡油香，不过不失～
🌟 鲍汁花胶扣鹅掌｜$360/位完全冇失望，食到lam lam脷！鹅掌超级腍身，入晒味，啖啖滋味🤍 花胶胶质重、厚身，但亦好腍好入味，大赞✨
🐷 脆皮乳猪琵琶豆腐｜398两者放埋一齐有啲唔关系，两样都好好食✨ 乳猪皮够香乳，带油脂，唔缺肉感，半脂半肉刚刚好👍🏻 琵琶豆腐内有香茜同鱼肉，食落多层次好丰富🤍 豆腐质感唔系烂蓉蓉，唔系老少平安𠮶种，保持到豆腐嘅口感，厨艺真系好劲✨
🐷 凤梨咕噜肉｜$280食得出系新鲜菠萝，唔系罐头死甜，亦带酸味，非常开胃✨ 咕噜肉冇骨啖啖肉，肉质腍身冇咩肥膏；炸皮厚度适中，炸得香脆而唔太油腻👍🏻 甜酸酱比例好啱我个人口味，系酸多于甜，醒神开胃，送饭一流🤍
🥬 野菌鱼汤浸时蔬｜$218鱼汤好鲜甜，冇太多额外调味去盖住，证明用料都唔差👍🏻 饮咗几啖都唔口渴～ 野菌同时菜不够不失～
🥭 香芒糯米卷｜$58芒果生熟程度刚好，唔会够熟烂晒，香甜多汁唔酸👍🏻 糯米皮唔厚身，带烟韧感，唔错～ 系加咗椰丝略嫌有啲画蛇添足，令整体太甜～
🥣 蛋白杏仁茶汤圆｜$48
讲真全晚最冇惊喜～ 杏仁茶味唔系特别香浓，偏水状亦唔稠杰，做唔到齿颊留香；汤圆亦普通不过，唔系爆酱汤圆，唔系特别薄皮，一般～
🫔 家乡甜薄罉｜$58呢得意嘅甜品，外表香脆，咬落烟韧软熟，中间层次花生，口感丰富，亦多份咸香👍🏻 食落咸甜交融，非常过瘾！
张贴
