影片
更多
2009-06-17
11 浏览
甜魔S生日，终于有机会（其实是藉口）去朝拜近半年风头好犀利的Vero。由地铁站一路行，沿路只见到一个又一个的地盘，去到分域码头后又争D以为未到继续行...真的好难揾呢，连牌都唔整个出来，真系唔系人介绍都一定唔会知道。去到第一时间唔系睇餐牌，而系影相! 入左个玻璃房左影右影，有印左唔同品牌既朱古力，有朱古力整的大型可可豆，亦都有好出名的朱古力兵马俑，仲有一个大咀鸟摆设添。整间房都有好香的朱古力味，好「心旷神怡」呀。整个餐厅都好宽阔，感觉好舒服优闲（当日系星期五下午，所以冇咩人），连个朱古力工场都阔过人而且好干净。一班大乡里影完相后就返埋位研究一下枱上面既野。有一叠唔同的朱古力食谱，又有介绍佢地collection既卡，好有心思。搞左好耐先真正睇个餐牌，发现竟然有iced既hot chocolate，问一问究竟系咩一回事，佢就话其实即系冻朱古力上面有cream个只...所以最后大家都系要了热的Xocolati 70% drink。四个人仲叫左个brownie同winter collection。始终影食物都系close up影好D，所以睇食友们既相以为杯Xocolati 70% drink
去到第一时间唔系睇餐牌，而系影相! 入左个玻璃房左影右影，有印左唔同品牌既朱古力，有朱古力整的大型可可豆，亦都有好出名的朱古力兵马俑，仲有一个大咀鸟摆设添。整间房都有好香的朱古力味，好「心旷神怡」呀。整个餐厅都好宽阔，感觉好舒服优闲（当日系星期五下午，所以冇咩人），连个朱古力工场都阔过人而且好干净。一班大乡里影完相后就返埋位研究一下枱上面既野。有一叠唔同的朱古力食谱，又有介绍佢地collection既卡，好有心思。搞左好耐先真正睇个餐牌，发现竟然有iced既hot chocolate，问一问究竟系咩一回事，佢就话其实即系冻朱古力上面有cream个只...所以最后大家都系要了热的Xocolati 70% drink。四个人仲叫左个brownie同winter collection。
始终影食物都系close up影好D，所以睇食友们既相以为杯Xocolati 70% drink都几大杯，但原来系劲细的。而且食友们都话Xocolati面头块朱古力等一阵先溶，但我地个D上枱后唔够十秒就溶晒，想影相都唔得-_-。搞混之前先试试面头的溶朱古力，好浓郁的dark chocolate。搞混后再饮，都系好浓郁的朱古力味，有少少的raspberry味，好正! 好浓的关系，其实依个size系啱啱好的，如果再大杯D可能会好漏。
之后brownie来到，原来系事先包装的...唔系新鲜的亦都冇烘返佢，有点儿失望。四个人分细细旧的brownie，用来点杯hot chocolate...风头畀晒D朱古力溶浆抢过晒，brownie很多的果仁而且松软，不是我喜欢的brownie，对其印象不太深刻。
店员们都对佢地既出品有相当高的认识，好详细咁讲解唔同食品既特点等等。佢地都好极力推介佢地新推出的spring/summer collection，全部都系味道比较特别的朱古力，如ginger等（其他唔系太记得了），但最后安全起见都系叫了较正常的autumn/winter collection，每一款都用了由世界各地来的材料，制作很认真。
又系照片的关系，实物比想像中细好多-_-，但卖相好特别，五粒朱古力系用溶左的朱古力固定系个碟上的（到最后我地本住「食得唔好嘥」的精神，刮埋D朱古力出来食）。小弟拣左Pink Himalayan Caramel，caramel很幼滑，而出面的朱古力较苦，刚好中和左味道。试了小小Red Hazelnut同埋Apricot & Prune Scotch。前者几香脆的，不错，而后者则对佢冇咩印象。整体来说系几好，但系唔系非常非常之出色呢，小弟又唔敢讲...因为朱古力好细粒，而且有其他的味道系入面，真系试唔真D朱古力味。下次可能会试下D纯朱古力，或者叫多杯野饮算啦。
其实挣扎左一阵应该畀笑脸定系OK好...但Xocolati 70% drink的确出色，而且环境好好（出面的地盘冇晒后应该会更好），虽然价钱未必好吸引，但笑脸都好应该的。
张贴
