影片
更多
2024-07-26
3465 浏览
老公一向好钟意食鸡煲，今次揾嚟一间怀旧主题餐厅试下先。 餐厅以七、八十年代旧香港为主题，场内有唔少打卡位置。首先系霓虹灯、门口位置嘅龙凤联婚🐉，客人仲可以拣番自己嘅姓氏，喺前面打个卡。 店舖内仲不断播放七、八年代嘅歌曲🎵，更加有feel。 餐厅主打鸡煲火锅及多款特色口味鸡煲🐔，如榴梿鸡煲及咸蛋黄酱鸡煲，今次我哋拣咗个秘制黄蚬惹味辣鸡煲，辣度方面可以自由选择，我哋拣咗个BB辣🌶。呢度嘅鸡煲都用上新鲜鸡，鸡肉嫩滑，加上肥美嘅黄蚬，配合埋各种配料，整个鸡煲鲜甜惹味。 食完鸡煲之后可以拣鸡汤或者猪骨汤底开始火锅。 牛肉拼盘(细)：牛舌片、手切牛肉、牛胸尖、和牛金钱展、牛肉粒、雪花肥牛。牛肉都好嫩滑，牛味浓郁。另外第一次试牛胸尖，望落好似好油腻，但食落出奇地爽口。 回味五香肉丁饺：五香肉丁饺真系第一次食，馅料好特别，味道香浓。 丰盛杂菜拼盘：呢个丰盛杂菜拼盘认真够晒丰盛，份量非常多，有唐生菜🥬、娃娃菜、蕃茄🍅、粟米🌽、金菇、莲藕、木耳、而且仲有切成心形嘅萝卜🤍。 荔枝虾球：比呢个名吸引咗，原来系个外型炸到好似成粒荔枝咁，金黄香脆，粒粒都好扎实。 咸柠七用上70年代怀旧漱口胶杯，玩味十足。青柠酸味
老公一向好钟意食鸡煲，今次揾嚟一间怀旧主题餐厅试下先。
餐厅以七、八十年代旧香港为主题，场内有唔少打卡位置。首先系霓虹灯、门口位置嘅龙凤联婚🐉，客人仲可以拣番自己嘅姓氏，喺前面打个卡。
店舖内仲不断播放七、八年代嘅歌曲🎵，更加有feel。
餐厅主打鸡煲火锅及多款特色口味鸡煲🐔，如榴梿鸡煲及咸蛋黄酱鸡煲，今次我哋拣咗个秘制黄蚬惹味辣鸡煲，辣度方面可以自由选择，我哋拣咗个BB辣🌶。呢度嘅鸡煲都用上新鲜鸡，鸡肉嫩滑，加上肥美嘅黄蚬，配合埋各种配料，整个鸡煲鲜甜惹味。
食完鸡煲之后可以拣鸡汤或者猪骨汤底开始火锅。
牛肉拼盘(细)：牛舌片、手切牛肉、牛胸尖、和牛金钱展、牛肉粒、雪花肥牛。牛肉都好嫩滑，牛味浓郁。另外第一次试牛胸尖，望落好似好油腻，但食落出奇地爽口。
回味五香肉丁饺：五香肉丁饺真系第一次食，馅料好特别，味道香浓。
丰盛杂菜拼盘：呢个丰盛杂菜拼盘认真够晒丰盛，份量非常多，有唐生菜🥬、娃娃菜、蕃茄🍅、粟米🌽、金菇、莲藕、木耳、而且仲有切成心形嘅萝卜🤍。
荔枝虾球：比呢个名吸引咗，原来系个外型炸到好似成粒荔枝咁，金黄香脆，粒粒都好扎实。
咸柠七用上70年代怀旧漱口胶杯，玩味十足。青柠酸味以及淡淡嘅盐味，消暑又解渴。
生啤：打边炉梗系要啤一啤啦🍺，大大杯又解渴。
张贴
