日常素食 (已結業)

星期五放假，约左爸爸妈妈饮下午茶，俩老建议去黄大仙中心北馆顶楼食斋「 日常素食」，话下午茶好抵食。全日供应的食品都差不多，所以下午茶时段2：30开始，就最抵食。小童/长者$48,大人$68.免收加一, 三岁以下免费。不设婴儿椅。未够2：15已经有十几个公公婆婆排紧队，店内座位干净整齐。任食75分钟，比赛开始。。第一回： 炸物，热食炸南瓜饼不错， 咖喱角不油。炒饭干身，乌冬有口感。豆豆无根无丝。咖喱薯仔唔太辣，好入味。可惜苦瓜无出水，好重臭青味。乌梅汁微微酸，五宝羹有口感质感，饮左两碗。第二回：唔知系咪第一回已经有点饱，今回唔系太好食，除左腐皮卷。豆腐粒好干好硬。寿司超级冻。秋葵爽口，芋头鱼好粉入口即粉，粉左。最终回：甜点红豆椰汁糕好滑， 但就唔系件件有红豆。桂花糕好清新，唔太甜。杂粮粒？好味。南瓜糕个面十分硬，个底就软少少， 个蒸炉唔系好够力。沙律吧多选择。