影片
更多
2021-05-14
578 浏览
去唔到日本唯有食个日本石烧安慰住自己先～做野做到攰，想安慰下自己？最平$75包埋任食多款前菜，白饭，汤，食完多个肚腩出返去🐷入到去要好似日本咁拣定食咩，买左飞先，静系接受现金，今次我地拣左牛柳set 200g 同 三拍子set 300g, 🐱🐏两个人都食得好饱好饱～买完飞就等店员安排入座，等部bibi机响就可以去攞牛牛。店员都好贴心会提醒小心石板好热，都会舖一张纸巾系上面以免比肉汁弹到。等攞肉既时候可以去自助区攞前菜，例如有薯蓉，芽菜青豆，通心粉沙律，椰菜沙律，仲有珍珠米既白饭，同热汤。🍖三拍子牛 300g $109 发挥比较稳定，每次去食都好满意。口感软念，牛味较牛柳重。就算9成熟都好软，肉质唔错。😋😋UMAI：8.5/10🍖牛柳 200g $85之前食过一次，比三拍子既较为无咁软。但今次食就好出色，软度甚至比三拍子更加好。但牛味就输比三拍子少少～😋😋UMAI：8/10整体两款肉脂肪较少，可能满足唔到追求入口即溶既朋友仔啦～但都好满足，牛味口感都唔错。牛肉既熟度一开始只系一成熟，攞到埋位就可以自己用石板既热力煎到自己钟意既熟度，如果摆得太耐，石板唔够热都可以请店员帮手换一块热既石板。
入到去要好似日本咁拣定食咩，买左飞先，静系接受现金，今次我地拣左牛柳set 200g 同 三拍子set 300g, 🐱🐏两个人都食得好饱好饱～
买完飞就等店员安排入座，等部bibi机响就可以去攞牛牛。店员都好贴心会提醒小心石板好热，都会舖一张纸巾系上面以免比肉汁弹到。
等攞肉既时候可以去自助区攞前菜，例如有薯蓉，芽菜青豆，通心粉沙律，椰菜沙律，仲有珍珠米既白饭，同热汤。
🍖三拍子牛 300g $109
发挥比较稳定，每次去食都好满意。口感软念，牛味较牛柳重。就算9成熟都好软，肉质唔错。
😋😋UMAI：8.5/10
🍖牛柳 200g $85
之前食过一次，比三拍子既较为无咁软。但今次食就好出色，软度甚至比三拍子更加好。但牛味就输比三拍子少少～
😋😋UMAI：8/10
整体两款肉脂肪较少，可能满足唔到追求入口即溶既朋友仔啦～但都好满足，牛味口感都唔错。牛肉既熟度一开始只系一成熟，攞到埋位就可以自己用石板既热力煎到自己钟意既熟度，如果摆得太耐，石板唔够热都可以请店员帮手换一块热既石板。
🐏：但系唔太建议噉做，因为换左石板，石板会冇左原先牛流落去嘅汁，会冇噉好味，但系如果想食炸三拍子手或者炸牛柳就可以去换一块全新嘅石板
店内提供多种调味料同酱汁例如牛扒酱汁，酸汁，黑椒，盐，芥末，蒜蓉同豉油，我地就最钟意酸汁加黑椒同芥末～酸汁酸酸地好开胃，简单配上黑椒同芥末，更加强调到本身牛既鲜味～
🥔薯蓉 😋😋UMAI：5/10
口感唔错，唔系纯好creamy既薯蓉，入面仲有粒粒薯仔。咸度适中，系简单纯粹既薯蓉，无浓浓既奶味。
🥗芽菜青豆 😋😋UMAI：3/10
普通白灼，无咸味，但都食得出新鲜
🥗通心粉沙律 😋😋UMAI：6/10
通心粉质地正常，无话好似某记既通粉咁好念，入面仲有三色豆，沙律酱适中岩岩好，用左少量黑椒调味
🥗椰菜沙律 😋😋UMAI：4/10
都好新鲜，入面都有少少紫椰菜丝，店内有提供3款酱汁例如千岛酱，芝麻酱同烧汁
🍲黑椒牛肉汤 😋😋UMAI：8/10
见到系真材实料熬制，有海量牛肉，佢地已经熬到变成一丝丝，有淡淡既姜同黑椒味，好适合冬天咁冻既天气饮，即刻暖番晒，我地都encore左几转🤣
十分推介！
服务：店员都好细心提醒我地前菜已经refill 左可以去攞，环境都好干净，店内有提供消毒同清新喷雾比客人暂时遮盖下烧肉既气味～赞赞👍🏻
🌟整体CP值：10/10!!无得输呀！
整体满足度真系好高～其实我地下次两个人叫180g三拍子 ($78) 同 200g牛柳都好够食。大家可以根据番自己食量选择，有三种gram可以拣，但系唔建议叫中size/大size，因为无论边个size，石板嘅大小都一样，牛肉太大件会完全冇位切。
牛肉都好新鲜，钟意品尝单纯既牛肉既你快d黎啦～
张贴
